મહામારી / દેશમાં નવા વાયરસની એન્ટ્રી, નોંધાયો પહેલો કેસ, કોરોનાથી સાજા થયેલા દર્દીમાં મળે છે જોવા

મહામારી / દેશમાં નવા વાયરસની એન્ટ્રી, નોંધાયો પહેલો કેસ, કોરોનાથી સાજા થયેલા દર્દીમાં મળે છે જોવા

યુપીના ગાઝિયાબાદમાં કોરોનાથી સાજા થયેલા એક દર્દીમાં Herpes Simplex Virus ના સંક્રમણનો પહેલો કેસ નોંધાયો છે.

• Herpes Simplex Virus નો પહેલો કેસ નોંધાયો
• યુપીના ગાઝિયાબાદમાં મળ્યો પહેલો દર્દી
• કોરોનાથી સાજા થયેલા એક દર્દીમાં આ વાયરસના લક્ષણો મળ્યાં
• આ વાયરસ સૌથી ઘાતક હોવાનો ડોક્ટરોનો દાવો

ગાઝિયાબાદની હોસ્પિટલમાં Herpes Simplex Virus ના દર્દીની સારવાર ચાલી રહી છે. દર્દીની સારવાર કરી રહેલા ડોક્ટરોનો દાવો છે કે આ વાયરસના સંક્રમણનો પહેલો કેસ છે. આ વાયરસ સૌથી ઘાતક હોવાનો પણ ડોક્ટરોનો દાવો છે અને જો તેને ઝડપી ગતિએ કન્ટ્રોલ ન કરાયો તો મોટી તબાહી લાવી શકે છે.

નાકમાં મળ્યો વાયરસ
ગાઝિયાબાદના ડોક્ટર બીપી ત્યાગીએ જણાવ્યું કે તેમની હોસ્પિટલમાં કોરોનાથી સાજા થયેલા દર્દીને ભરતી કરાયો છે. આ દર્દીના નાકમાં Herpes Simplex Virus જોવા મળ્યો છે. તેમણે કહ્યું કે આ વાયરસ ઘણો ખતરનાક છે જો તેની સારવાર અને નિયંત્રણમા વાર લાગશે તો તે ઘણો ઘાયક નીવડી શકે છે.ડોક્ટર ત્યાગીએ જણાવ્યું કે ભરતી થયેલા દર્દીની ખૂબ જ સાવધાની સાથે સારવાર ચાલી રહી છે. તેમણે કહ્યું કે આ વાયરસની સારવાર ખૂબ મોંઘી છે તેથી બધાને તે પરવડતી નથી.

કોરોનાથી સાજા થનાર લોકોને ખતરો

ડોક્ટર ત્યાગીએ જણાવ્યું કે જે લોકો કોરોનાથી સાજા થયા છે તેઓ સાવધાની રાખે. સંક્રમણને કારણે પહેલેથી જ તેમની ઇમ્યુન સિસ્ટમ થોડી નબળઈ પડેલી હોય છે તેથી તેઓ હાલ પુરતું ખાવાપીવામાં, આરામ પર પુરતું ધ્યાન આપે તથા ભારે કસરત અને ભાગદોડથી દૂર રહે. આવું કરીને તેઓ અજાણતા બીજી બીમારીઓને આમંત્રિત કરશે. 

કોરોનામાંથી સાજા થનાર લોકો સાવધાની રાખે

 કોરોનાથી સાજા થયેલા ઘણા લોકો હજુ પણ હેલ્થ સંબંધી તકલીફોથી પીડિત છે.ઘણા લોકોને સાંભળવામાં તકલીફ પડી રહી છે તો ઘણા લોકોના બીપીમાં વધારો થયો છે. તો ઘણા લોકોના લોહીમાં ગાંઠ થઈ છે. ડોક્ટરોને શક છે કે દેશમાં હેલ્થ સંબંધિત દુર્લભ કેસો વધવાનું કારણ ડેલ્ટા વેરિયન્ટ જવાબદાર છે.  

ઈમ્યુન સિસ્ટમ પર ધ્યાન આપો
ડોક્ટરોના જણાવ્યાનુસાર, કોરોનાથી સાજા થયેલા લોકોએ તેમની રોગ પ્રતિકાર શક્તિ પર પુરતું ધ્યાન આપવું જોઈએ કારણ કે કોરોનાના સંક્રમણ સમય દરમિયાન તેમની ઈમ્યુન સિસ્ટમ ખુબ નબળી પડી ગઈ હોય છે અને તેથી આવા લોકોમાં Herpes Simplex Virus ના સંક્રમણની ખૂબ વધારે સંભાવના રહેતી હોય છે. 

Source : Vtv News Report

Read More »

કામની વાત / આ મહિનામાં જ આ ત્રણ કામ પતાવી લેજો નહીંતર ઉઠાવવું પડશે ભારે નુકસાન

કામની વાત / આ મહિનામાં જ આ ત્રણ કામ પતાવી લેજો નહીંતર ઉઠાવવું પડશે ભારે નુકસાન

જૂન મહિનામાં અનેક જરૂરી કામ કરવાની છેલ્લી તારીખ છે. આધારને પાન કાર્ડ સાથે લિંક કરવું, પીએમ કિસાનને માટે રજિસ્ટ્રેશન નહીં કરાવવા માટે નુકસાન થઈ શકે છે. આ સિવાય અનેક બેંક સ્પેશ્યલ એફડીનો ફાયદો પણ 30 જૂન સુધી જ આપવાની છે.

• આ મહિનામાં જ આ ત્રણ કામ
• નહીંતર ઉઠાવવું પડશે ભારે નુકસાન
• આધાર, પાન કાર્ડ, એફડી અને કિસાન રજિસ્ટ્રેશન પર આપો ધ્યાન

આધાર અને પાન કાર્ડ કરાવી લો લિંક
જો તમે હજુ સુધી પાન કાર્ડને આધાર સાથે લિંક કરાવ્યું નથી તો તમે આ કામ આજે જ કરી લો. સરકારે પાનને આધાર સાથે જોડવા માટેની ડેડલાઈન 30 જૂન 2021 નક્કી કરી છે. જો તમે આ કામ નહીં કરો તો તમને 1000 રૂપિયા સુધીનો દંડ થઈ શકે છે. આ સાથે વ્યક્તિએ વધારે ટીડીએસ ભરવાનો રહેશે. કેમકે પાન કાર્ડને આધાર સાથે લિંક ન કરવાથી તમારું પાન ઈનઓપરેટિવ થશે. ઈન્કમ ટેક્સ નિયમના આઘારે જો કોઈ વ્યક્તિની પાસે પાન નબંર નથી તો બેંક તમારી આવક પર 20 ટકાના દરે TDS કાપશે. એસબીઆઈ અને પીએનબી બેંક પણ આ સેવાને માટે બંને કાર્ડને લિંક કરવાનું કહી રહી છે.  

PM કિસાન સ્કીમ માટે કરાવી લો રજિસ્ટ્રેશન
જો તમે પીએમ કિસાન સમ્માન નિધિ યોજનાના આધારે હજુ સુધી રજિસ્ટ્રેશન કરાવ્યું નથી તો 30 જૂન પહેલા કરાવી લો. જેથી આ વર્ષની બંનને સ્કીમ તમારા ખાતામાં આવી જશે. પીએમ કિસાન સમ્માન નિધિના નિયમોના આધારે તમે જૂનમાં અરજી કરો છો અને તમારી અરજી સ્વીકાર કરી લેવાય છે તો જૂન કે જુલાઈમાં તમને 2000 રૂપિયા મળશે. આ પછી ઓગસ્ટમાં પણ 2000 રૂપિયા મળશે. જે તમારા બેંક એકાઉન્ટમાં જમા થશે.  
 

વધારે વ્યાજ માટે સ્પેશ્યલ એફડીમાં કરો રોકાણ
SBI, HDFC, ICICI બેંક અને બેંક ઓફ બરોડા સીનિયર સિટિઝન્સને માટે સ્પેશ્યલ FDની સ્કીમ ચલાવી રહી હતી. આ સ્પેશ્યલ સ્કીમ 30 જૂન 2021ના રોજ ખતમ થઈ રહી છે. તેની સાથે વરિષ્ઠ નાગરિકોને નોર્મલ FDની તુલનામાં વધારે વ્યાજ મળી રહ્યું હતું. તમે સીનિયર સિટિઝન છો અને સામાન્ય FDથી વધારે વ્યાજ ઇચ્છો છો તો તેમાં આ મહિને રોકાણ કરી શકો છો. 

Source : Vtv ન્યૂઝ

Read More »

મોદી સરકારની ખેડૂતોને ભેટ, ખરીફ પાક માટે MSP 62% સુધી વધારી

મોદી સરકારની ખેડૂતોને ભેટ, ખરીફ પાક માટે MSP 62% સુધી વધારી

નવી દિલ્હી: નવા કૃષિ કાયદાને પરત લેવાની માંગને લઈને છેલ્લા 6 મહિના કરતાં વધુ સમયથી દિલ્હીની બોર્ડરો પર ખેડૂતો પ્રદર્શન કરી રહ્યાં છે. એવામાં કેન્દ્રની મોદી સરકારે ખેડૂતોને એક મોટી ભેટ આપી છે. બુધવારે કેન્દ્ર સરકારે ખરીફ પાકો માટે MSPમાં જંગી વધારો કર્યો છે. MSP for kharif crops

કેન્દ્ર સરકારે બજેટ સત્ર 2021-22 માટે ખરીફ પાકો પર MSP વધારવાના નિર્ણયને મંજૂરી આપી દીધી છે. સરકારનું કહેવું છે કે, ગત વર્ષની સરખામણીએ આ વર્ષે MSPમાં સૌથી વધુ તલ (452 રૂપિયા પ્રતિ ક્વિન્ટલ)માં વધારો થયો છે. આ સિવાય તુવેર અને અડદની દાળમાં પ્રતિ ક્વિન્ટલ 300 રૂપિયા વધારવામાં આવ્યા છે.

કેન્દ્રીય કૃષિ મંત્રી નરેન્દ્રસિંહ તોમરે જાણકારી આપતા જણાવ્યું કે, કેન્દ્ર સરકારે ખરીફ પાક પર 50 ટકા સુધી MSP વધારવાનો નિર્ણય કર્યો છે. છેલ્લા 7 વર્ષોમાં કેન્દ્રની મોદી સરકારે ખેડૂતોના ઉજ્જવળ ભવિષ્ય માટે અનેક મોટા નિર્ણયો લીધા છે. આ સાથે જ ખેડૂતોની દરેક સમસ્યાના સમાધાન માટે કાયમ તત્પર રહી છે.

ગત વર્ષની સરખામણીમાં આ વર્ષે અનાજના ન્યૂનતમ સમર્થન મૂલ્યમાં 72 રૂપિયાનો વધારો થયો છે. જે બાદ તે 1940 રૂપિયા પ્રતિ ક્વિન્ટલ થઈ ગયો છે. જે ગત વર્ષે 1868 રૂપિયા પ્રતિ ક્વિન્ટલ હતો.

ખરીફ પાકની MSP વધારવાના કેન્દ્ર સરકારના નિર્ણય પર કોંગ્રેસનું કહેવું છે કે, ખેડૂતો આ રીતે નહીં માને. ખેડૂત આંદોલન પુરુ કરવા માટે સરકારે ત્રણ કૃષિ કાયદા પરત લેવા જોઈએ. કોંગ્રેસે આ કાયદાને વિનાશકારી ગણાવતા કહ્યું કે, સરકારે પોતાની જિદ છોડવી જોઈએ અને તેને પરત લેવા જોઈએ.

Read More »

એક સાથે 10 બાળકોને જન્મ આપીને મહિલાએ બનાવ્યો વર્લ્ડ રેકોર્ડ

એક સાથે 10 બાળકોને જન્મ આપીને મહિલાએ બનાવ્યો વર્લ્ડ રેકોર્ડ


થોડા જ સમય પહેલા આફ્રિકન દેશ માલીની એક મહિલાએ નવ બાળકોને જન્મ આપ્યો હતો. જોકે આ રેકોર્ડ લાંબો સમય સુધી ટકી શક્યો નથી. હવે સાઉથ આફ્રિકાની એક મહિલાએ એક સાથે 10 બાળકોને જન્મ આપીને આ રેકોર્ડ તોડીને નવો વર્લ્ડ રેકોર્ડ પોતાના નામે કર્યો છે.

મળી રહેલી વિગતો અનુસાર 37 વર્ષની મહિલા ગોસિયામી થમારા સિટહોલે આ રેકોર્ડ બનાવ્યો છે. તેણે સિઝેરિયન ઓપરેશન થકી એક સાથે 10 બાળકોને જન્મ આપ્યો છે. બાળકો અને માતા સ્વસ્થ છે તેવુ ડોકટરોનુ કહેવુ છે. આ 10 બાળકોમાં સાત છોકરા અને ત્રણ છોકરીઓ છે. ગોસિયામીનુ કહેવુ છે કે, મને અને મારા પતિને આઠ બાળકોની આશા હતી. ડોકટરોએ અમને આ વાત પહેલા જણાવી હતી. જોકે એ પછી સ્કેન કરવામાં આવ્યુ તો ખબર પડી હતી કે, હું 10 બાળકોની માતા બનવાની છું.આ પહેલા બે બાળકો સ્કેનમાં દેખાયા નહોતા.

ગોસિયામી આગળ કહે છે કે, શરુઆતમાં તો હું મારી પ્રેગનન્સીને લઈને હેરાન હતી. મારા માટે તો આટલા બાળકો જન્મશે તે વાત ગળે ઉતરવા મુશ્કેલ બની રહી હતી. હું બીમાર પણ પડી ગઈ હતી. જોકે એ પછી હું સ્થિતિને સ્વીકારવા માંડી હતી. હું એક જ પ્રાર્થના કરતી હતી કે, ડિલિવરી સારી રીતે થઈ જાય અને બાળકો સ્વસ્થ રહે.


ગોસિયામી એક રિટેલ સ્ટોરમાં મેનેજર છે અને તેને અગાઉ બે જોડિયા બાળકો પેદા થયા હતા. જોકે સિટહોલ હવે વર્લ્ડ રેકોર્ડ બનાવ્યા બાદ ખુશ છે.

આ પહેલા મે મહિનામાં આફ્રિકન દેશ માલીની મહિલા હલિમા સીસીએ 9 બાળકોને જન્મ આપ્યો હતો. તેને ડિલિવરી માટે પાડોશી દેશ મોરક્કોમાં લઈ જવાઈ હતી. જ્યાં બાળકોને જન્મ આપ્યા બાદ થોડા સમય માટે હલિમાની તબિયત બગડી હતી. 2009માં પણ અમેરિકાની એક મહિલા નાદ્યા સુલેમાને આઠ બાળકોને જન્મ આપ્યો હતો. આ રેકોર્ડ સિટહોલે હવે તોડી નાંખ્યો છે.

Read More »

આગાહી / જળબંબાકાર માટે થઈ જાઓ તૈયાર : ગુજરાતના વિસ્તારોમાં મેઘરાજા મન મૂકીને વરસે તેવી આગાહી

આગાહી / જળબંબાકાર માટે થઈ જાઓ તૈયાર : ગુજરાતના વિસ્તારોમાં મેઘરાજા મન મૂકીને વરસે તેવી આગાહી

આજે મુંબઈમાં પહેલો વરસાદ થયો જ્યાં પહેલા જ વરસાદમાં જળબંબાકાર જેવી પરિસ્થિતિ છે.

• ગુજરાતમાં રહેશે પ્રિ-મોન્સૂન એક્ટીવીટીની અસર
• આજથી 12 જુન સુધી વરસાદી માહોલની શકયતા
• દક્ષિણ ગુજરાત, સૌરાષ્ટ્રમાં પડી શકે છે વરસાદ

દક્ષિણ ભારતમાં હવે ચોમાસાની ઋતુની સત્તાવાર શરૂઆત થઈ ગઈ છે અને મોન્સૂન અત્યારે મહારાષ્ટ્રમાં પહોંચી ગયું છે. ગુજરાતના અમુક વિસ્તારોમાં અત્યારે વાતાવરણમાં પલટો જોવા મળી રહ્યો છે ત્યારે હવામાન વિભાગે ગુજરાતમાં વરસાદને લઈને મોટી આગાહી કરી છે. 

વરસાદને લઇ હવામાન વિભાગની આગાહી
કેરળથી ભારતમાં પ્રવેશેલું મોન્સૂન હવે મહારાષ્ટ્ર પહોંચી ગયું છે. આજે મુંબઈમાં પહેલો વરસાદ થયો જ્યાં પહેલા જ વરસાદમાં જળબંબાકાર જેવી પરિસ્થિતિ છે. ઠેર ઠેર પાણી ભરાઈ ગયા છે ત્યારે ગુજરાતમાં સામાન્ય કરતાં એક દિવસ વહેલા જ ચોમાસું આવે એવી સંભાવના છે. 

11 અને 12 જૂને દક્ષિણ ગુજરાતમાં થઈ શકે છે વરસાદનું આગમન
હવામાન ખાતાની આગાહી અનુસાર 11 અને 12 જૂને વરસાદનું આગમન દક્ષિણ ગુજરાતમાં થઈ શકે છે. આગામી બે દિવસ સુધી મહારાષ્ટ્રના જુદા જુદા વિસ્તારોમાં વરસાદની આગાહી છે જે બાદ વરસાદ ગુજરાતમાં પ્રવેશ કરશે. બંગાળની ખાડીમાં લો પ્રેશરના કારણે તેની અસર ગુજરાત પર પડી શકે છે. 

આજથી 12 જુન સુધી વરસાદી માહોલની શકયતા

ગુજરાતના દક્ષિણ ભાગમાં આજથી જ વરસાદી માહોલ જામી શકે છે. આજથી 12 જૂન સુધી વરસાદ પાડવાની શક્યતા છે જેમાં સુરત, નવસારી, વલસાડ, ડાંગ, તાપી અને ભરૂચમાં 11 અને 12 જૂને મધ્યમથી ભારે વરસાદ પડી શકે છે. સૌરાષ્ટ્રમાં પણ સામાન્ય વરસાદની આગાહી કરવામાં આવી છે.

Source : Vtv ન્યૂઝ

Read More »

ના હોય! / આ 5 શાક તામારા શરીરને પહોંચાડે છે ભયંકર નુકસાન, જાણીને થઇ જશો હેરાન

ના હોય! / આ 5 શાક તામારા શરીરને પહોંચાડે છે ભયંકર નુકસાન, જાણીને થઇ જશો હેરાન 

કોરોનાકાળમાં લોકો પોતાની ઇમ્યૂનીટીને લઇને સજાગ થઇ ગયા છે પરંતુ આ 5 શાક ખાશો તો તમારી હેલ્થને નુકસાન થશે. 

• આ શાકભાજી શરીરને પહોંચાડે છે નુકસાન
• ક્યારેય કાચા ન ખાતા આ શાકભાજી
• કોરોનાકાળમાં રાખો તમારા શરીરની કાળજી 

ફૂલાવર 

ફૂલાવર એક એવુ શાક છે, જેને લોકો સલાડ સાથે ખાય છે પરંતુ જો તેને કાચુ ખાવામાં આવે તો પેટમાં ગેસ અને અપચાની સમસ્યા થઇ જાય છે. આ શાકમાં એક પ્રકારની શુગર હોય છે જે રાંધ્યા વગર પચતી નથી. 

રિંગણ
રિંગણ પણ પેટમાં નુકસાન પહોંચાડી શકે છે. રિંગણને કાચા ખાવાથી ઉલ્ટી, ચક્કર અને અપચાની સમસ્યા થઇ શકે છે. રિંગણમાં જે વિટામિન્સ હોય છે તેના માટે તેને રાંધવુ ખુબ જરૂરી છે. 

બીટ 
હિમોગ્લોબીન વધારવા અને વજન માટે બીટ ઘણુ ફાયદાકારક છે. ઘણા લોકો સલાડ તરીકે અને જ્યુસ પીતા હોય છે. ઘણા લોકો કાચુ પણ તેને ખાતા હોય છે પરંતુ તેને ક્યારેય કાચુ ન ખાવુ જોઇએ. 

મશરૂમ
મશરૂમમાં વિટામીન બી સારા પ્રમાણમાં હોય છે પરંતુ ઘણા લોકોને તેના સેવનથી સ્કીન એલર્જી થઇ જાય છે. જેથી મશરૂમને કાચુ ન ખાવુ જોઇએ. તેને સંપૂર્ણ રીતે રાંધીને જ ખાવુ જોઇએ. 

ગાજર 
ગાજર આમ તો પોષકતત્વોથી ભરપૂર હોય છે પરંતુ તેને ખાવામાં પણ ધ્યાન રાખવાની જરૂર હોય છે. નહીતર તમારી સ્કીનનો કલર પણ બદલાઇ જાય છે. કારણકે ગાજરની અંદર બીટા કેરોટીન હોય છે જે વધારે માત્રામાં લેવાથી નુકસાન થાય છે. 

Source : Vtv ન્યૂઝ

Read More »

સાવધાન / કોરોના સંકટ વચ્ચે વધુ એક બીમારી ગુજરાતીઓની ચિંતા વધારી, જાણો શું છે લક્ષણો

સાવધાન / કોરોના સંકટ વચ્ચે વધુ એક બીમારી ગુજરાતીઓની ચિંતા વધારી, જાણો શું છે લક્ષણો

દેશભરમાં કોરોના સંક્રમણ ઘટી રહ્યું છે, તો મ્યુકોર્માઈસીસના કેસમાં વધારો થઈ રહ્યો છે ત્યારે વધુ એક બીમારીએ દસ્તક દીધી હોવાનું સામે આવ્યું છે.

• કોરોનાની મહામારી દરમિયાન આંખોની બીમારીમાં વધી
• સ્ક્રીન ટાઈમ વધતા આંખોની બિમારીમાં વધારો
• કોમ્પ્યુટર વિઝન સિન્ડ્રોમના કેસમાં ઉછાળો

મળતી જાણકારી પ્રમાણે, કોરોનાની મહામારી દરમિયાન આંખોની બીમારીમાં વધારો થયો છે. સ્ક્રીન ટાઈમ વધતા આંખોની બિમારીમાં ધરખમ વધારો થયો છે. 

વિઝન સિન્ડ્રોમના કેસમાં મોટો ઉછાળો

કોમ્પ્યુટર વિઝન સિન્ડ્રોમના કેસમાં મોટો ઉછાળો આવ્યો છે. આ માટે ઓનલાઇન કલાસ, ઝૂમ મિટિંગ, મોબાઈલનો ઉપયોગ જવાબદાર છે. આંખોની બિમારીના 70 ટકા કેસ સ્ક્રીન ટાઈમ વધવાના કારણે વધ્યા છે. સ્ક્રીન ટાઈમ વધતા આંખની પલક ઝપકવાનું ઓછું થયું છે. 

નિષ્ણાતોએ કર્યું અવલોકન 

આંખોની બિમારીને લઈ નિષ્ણાતોએ આ પ્રકારે અવલોકન કર્યુ છે. તેમણે જણાવ્યુ હતું કે આંખની પલક ઝપકવું આંખ માટે લાભદાયક છે. આથી એક મિનિટમાં આંખો 20 વાર ઝપકવી જોઈએ. 

દર કલાકે 20 સેકન્ડ આંખ ઝપકાવવી જરૂરી 

સ્ક્રીન ટાઈમના કારણે માત્ર 5-7 વાર આંખો ઝપકે છે. દર કલાકે 20 સેકન્ડ આંખો બંધ રાખવાથી ફાયદો થાય છે. કોમ્યુટર વિઝન સિન્ડ્રોમ બાળકો અને યુવામાં વધારે જોવા મળ્યા છે. આંખની લાલાસ, માથું દુખવું, ડબલ વિઝનની સમસ્યા મુખ્ય લક્ષણ છે.

ગુજરાતમાં કોરોનાની સ્થિતિ 

રાજ્યમાં ગત 24 કલાકમાં કોરોનાના 778 નવા કેસ નોંધાયા તો 11 લોકોના સંક્રમણના કારણે મોત નિપજ્યા, નવા કેસની સામે આજે ગુજરાતમાં 2,613 દર્દીઓ સાજા થયાં. રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 778 નવા કેસ નોંધાયા છે, તો 11 લોકોના સંક્રમણના કારણે મોત નિપજ્યા છે. આજે ફરી એક વખત ગુજરાતમાં, કોરોનાની બીજી લહેરમાં કોરોનાના કેસ કરતા આજે સાજા થનારનો આંકડો વધુ છે. જો કે, ગઈકાલ કરતા મોતની સંખ્યામાં વધારો થયો છે.

છેલ્લા 24 કલાકમાં 11 દર્દીઓના મોત અને સાજા થનારનો આંકડો રાહત આપનારો

ઉલ્લેખનીય છે કે, ગુજરાતમાં અત્યાર સુધીમાં 9,944 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ઘટાડો જોવા મળ્યો છે. જો કે, નવા કેસની સામે આજે ગુજરાતમાં 2,613 દર્દીઓ સાજા થયાં છે. આ સાથે જ અત્યાર સુધીમાં 7,90,906 દર્દીઓ કોરોના મુક્ત થયાં છે. આમ આજે કેસ પણ ઘટ્યા અને સાજા થનારનો આંકડો રાહત આપનારો છે. રાજ્યમાં હાલ 363 લોકો વેન્ટિલેટર પર છે. એક્ટિવ કેસનો આંકડો 16,162 પર પહોંચ્યો છે. આમ દિવસેને દિવસે એક્ટિવ કેસના આંકમાં પણ ઘટાડો નોંધાઈ રહ્યો છે. 

Source : Vtv news 

Read More »

કેન્દ્રનો નિર્ણય / હવે આ મોટી બૅન્ક સહિત વધુ ત્રણ સરકારી બેન્કોનું ખાનગીકરણ થશે, જાણો કઈ-કઈ

 કેન્દ્રનો નિર્ણય / હવે આ મોટી બૅન્ક સહિત વધુ ત્રણ સરકારી બેન્કોનું ખાનગીકરણ થશે, જાણો કઈ-કઈ

કેન્દ્ર સરકાર સેન્ટ્રલ બેન્ક ઓફ ઈન્ડીયા, ઈન્ડીયન ઓવરસીઝ બેન્ક અને બેન્ક ઓફ ઈન્ડીયાનું ખાનગીકરણ કરવાનો તખતો તૈયાર કર્યો છે.

• નીતિ આયોગે 3 સરકારી બેન્કોના નામ સરકારને સોંપ્યાં 
• Central Bank, IOB, BoI નું ખાનગીકરણ થશે
• કેન્દ્ર સરકારે બજેટમાં આ બેન્કોના ખાનગીકરણની કરી હતી જાહેરાત
• સરકારે બેન્કોની પસંદગીનું કામ નીતિ આયોગને સોંપ્યું હતું 

બેન્ક ખાનગીકરણ અંગે મોટી ખબર આવી છે. કેન્દ્ર સરકારે ફેબ્રુઆરીમા રજૂ કરેલા બજેટમાં બે સરકારી બેન્કોના ખાનગીકરણની જાહેરાત કરી હતી તેમાં સેન્ટ્રલ બેન્ક ઓફ ઈન્ડીયા, ઈન્ડીયન ઓવરસીઝ બેન્કનો સમાવેશ થતો હતો પરંતુ હવે કેન્દ્ર સરકારે તેમાં બેન્ક ઓફ ઈન્ડીયાને પણ સામેલ કરી છે. 

નીતિ આયોગે કેન્દ્ર સરકારે આ ત્રણ બેન્કોના નામોની યાદી સોંપી દીધી છે. 

કઈ બેન્કની કેટલી હિસ્સેદારી
શેર પ્રાઈસને આધારે જોવા જઈએ તો સેન્ટ્રલ બેન્ક અને ઈન્ડીયન ઓવરસિઝ બેન્કની માર્કેટ વેલ્યુ 44,000 કરોડની છે જેમાં ઈન્ડીયન ઓવરસિઝ બેન્કની માર્કેટ વેલ્યુ 31,641 કરોડ રુપિયા છે. 

એક વીમા કંપનીનું પણ નામ 

બજેટમાં એક વીમા કંપનીના પણ ખાનગીકરણની વાત કરવામાં આવી હતી. નીતિ આયોગને ખાનગીકરણ માટે જાહેર ક્ષેત્રની બે અને એક વીમા કંપનીના નામની પસંદગી કરવાનું કામ સોંપાયું હતું. નાણાકીય વર્ષ 2021-22 ના બજેટમાં તેની જાહેરાત કરવામાં આવી હતી. મીડિયા રિપોર્ટ અનુસાર બેન્ક ઓફ મહારાષ્ટ્ર અને ઈન્ડીયન ઓવરસિઝ બેન્કનું નામ લિસ્ટમાં સૌથી ઉપર છે.

આ 6 બેન્કો પર સરકારની નજર 

સરકારે ચાલુ નાણાકીય વર્ષમાં ખાનગી ક્ષેત્રની કંપનીઓ અને નાણાકીય સંસ્થાનોમાં 1.75 લાખ કરોડ ભેગા કરવાનું લક્ષ્ય નક્કી કર્યું છે. જાહેર ક્ષેત્રની બે બેન્કો અને એક સાધારણ વીમા કંપનીનું ખાનગીકરણ કરવું સરકારના આ લક્ષ્યનો હિસ્સો છે. ખાનગીકરણ માટે નીતિ આયોગની નજર એવી 6 બેન્કો પર છે જે મર્જરમાં સામેલ નથી તેમાં બેન્ક ઓફ ઈન્ડીયા, ઈન્ડીયન ઓવરસિઝ બેન્ક, સેન્ટ્રલ બેન્ક, બેન્ક ઓફ મહારાષ્ટ્ર, પંજાબ એન્ડ સિંધ બેન્ક તથા યુકો બેન્ક સામેલ છે. 

Source : Vtv ન્યૂઝ

Read More »

હેલ્થ / એક મૂઠ્ઠી મમરા ખાવાથી કબજીયાતથી લઇને ઇમ્યૂનીટી સુધીની તકલીફો થશે દૂર

હેલ્થ / એક મૂઠ્ઠી મમરા ખાવાથી કબજીયાતથી લઇને ઇમ્યૂનીટી સુધીની તકલીફો થશે દૂર

ગુજરાતીઓ થેપલા, ફાફડા, ગાંઠીયા જેવી વસ્તુની સાથે મમરા પણ સાથે રાખે જ છે પરંતુ શું તમને ખબર છે મમરાના કેટલા ફાયદા છે? 

• મમરા ખાવાના છે ઘણા ફાયદા 
• વજન કંટ્રોલમાં રહે છે
• રોજ એક મૂઠ્ઠી મમરા ખાઇ લેવા જોઇએ

ભેળપૂરી, ભેળ, મમરાના લાડવા જેવી વસ્તુઓ તમે ખાઓ છો તેમાં મમરાનો ભરપૂર ઉપયોગ કરવામાં આવે છે. મમરામાં પ્રોટીન, કાર્બોહાઇડ્રેટ, આયરન, પોટેશિયમ જેવા તત્વો હોય છે. જેનાથી તમારા શરીરને ઘણો ફાયદો થાય છે. 

એનર્જી વધે છે
મમરાનું સેવન કરવાથી શરીરમાં એનર્જી લેવલ વધે છે. મમરામાં ઘણી માત્રામાં કાર્બોહાઇડ્રેટ હોય છે. શરીરના કાર્બ્સને તે ગ્લુકોઝમાં બદલે છે અને તેના કારણે એનર્જી લેવલ વધે છે. 

પાચનતંત્ર સારુ રહે છે
મમરા ખાવાથી પાચનતંત્ર સારુ રહે છે. સાથે જ કબજીયાતની તકલીફો દૂર થાય છે. મમરામાં ડાઇટરી ફાઇબર હોય છે જેનાથી પાચનતંત્ર સારુ રહે છે. 

ઇમ્યૂનિટી બૂસ્ટ કરે છે 
મમરા વિટામિન, મિનરલ્સ, ફાઇટોકેમિકલ્સથી ભરપૂર હોય છે. જે ઇમ્યૂન સિસ્ટમને સુધારવામાં મદદ કરે છે. જેનાથી જલ્દી બિમાર થવાનો ખતરો ઓછો થઇ જાય છે. 

વજન કંટ્રોલમાં રહે છે
મમરામાં કેલેરીની માત્રા ઘણી ઓછી હોય છે જેથી જે વ્યક્તિ ડાયટ કરી રહ્યું છે તે વારંવાર મમરા ખાય તો તેનું શરીર વધતુ નથી અને ભૂખ પણ સંતોષાય જાય છે. જેના કારણે વજન કંટ્રોલમાં રહે છે. 

Source : Vtv News 

Read More »

પરીક્ષા વિના પરિણામ:જૂનના અંતિમ વીકમાં ઓનલાઈન રિઝલ્ટ જાહેર થશે, માસ પ્રમોશન માર્કશીટમાં નહીં પણ LCમાં તો લખાશે જ

પરીક્ષા વિના પરિણામ:જૂનના અંતિમ વીકમાં ઓનલાઈન રિઝલ્ટ જાહેર થશે, માસ પ્રમોશન માર્કશીટમાં નહીં પણ LCમાં તો લખાશે જ

• માર્ક્સ વિદ્યાર્થીઓનાં નામ અને એપ્લિકેશન નંબરના આધારે ભરવાના રહેશે માર્ક્સ બોર્ડની વેબસાઇટ gseb.org અને sscmarks.gseb.org પર ઓનલાઇન અપલોડ થશે.
• 
  
• કોરોના મહામારીને પગલે રાજ્યમાં ધોરણ-10 અને 12ના વિદ્યાર્થીઓને માસ પ્રમોશન આપવામાં આવ્યું છે. ધોરણ 10ના વિદ્યાર્થીઓને બે ભાગમાં માર્ક્સ આપવામાં આવશે, જેમાં પહેલા 20 માર્ક્સ શાળાકીય મૂલ્યાંકનના આધારે, જ્યારે બાકીના 80 માર્ક્સ ઓનલાઈન વેબસાઈટ પર મૂકવા માટે શિક્ષણ વિભાગે તમામ સ્કૂલોને આદેશ કર્યા છે, જેના ભાગરૂપે રાજ્યની તમામ સ્કૂલના આચાર્યને ધોરણ 10ના માર્ક્સ મૂકવા માટે સૂચના અપાઈ ગઈ છે. સવારે 11 વાગ્યાથી માર્ક્સ અપલોડ કરવામાં આવશે અને આગામી 17 જૂને સાંજે 5 વાગ્યા સુધીમાં માર્ક્સ અપલોડ કરવાના રહેશે. માર્ક્સ વિદ્યાર્થીઓનાં નામ અને એપ્લિકેશન નંબરના આધારે ભરવાના રહેશે. જૂનના અંતિમ વીકમાં વિદ્યાર્થીઓને ઓનલાઈન પરિણામ જોવા મળશે.સાથે જ માધ્યમિક અને ઉચ્ચતર માધ્યમિક શિક્ષણ બોર્ડે આચાર્યો અને ડીઈઓને પરિપત્ર લખ્યો છે. જેમા ધોરણ 10ના વિદ્યાર્થીઓની માર્કશીટમાં નહીં પરંતુ એલસીમાં "માસ પ્રમોશન" લખવામાં આવશે.

માર્ક્સ અપલોડ કરવાની અંતિમ તારીખ 17 જૂન અપાઈ
શિક્ષણ વિભાગ દ્વારા ધોરણ-10ના વિદ્યાર્થીને માર્ક્સ આપવાની પદ્ધતિ જાહેર કરી દેવામાં આવી છે, જેના આધારે વિદ્યાર્થીઓને પાસ કરવામાં આવશે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા માર્ક્સ અપલોડ કરવાની અંતિમ તારીખ 17 જૂન અપાઈ છે. પરીક્ષા સચિવે જણાવ્યું હતું કે ધોરણ 10ના પરીક્ષાર્થીઓના આંતરિક મૂલ્યાંકન માર્ક્સ, માધ્યમિક કક્ષાના માળખા મુજબના માર્ક્સ તેમજ શાળા કક્ષા વિષયના માર્ક્સ બોર્ડની વેબસાઇટ gseb.org અને sscmarks.gseb.org પરથી ઓનલાઇન 8 જૂન 2021ના રોજ સવારે 11 વાગ્યાથી17 જૂન સાંજે 5 કલાક સુધીમાં ભરવાના રહશે. પરીક્ષાર્થીઓના ગુણ પરીક્ષાર્થીઓનાં નામ અને એપ્લિકેશન નંબરના આધારે ભરવાના રહેશે. ઓનલાઇન માર્ક્સ માટે સ્કૂલના ઇન્ડેક્સ નંબર અને નોંધાયેલા મોબાઇલ નંબરનો ઉપયોગ કરી લોગ-ઇન કરી શકાશે.

તસવીર પ્રતીકાત્મક છે.

હવે વિદેશ જવામાં કોઈ અડચણ નહીં નડે
ધોરણ 10 અને 12માં માસ પ્રમોશન તો સરકારે જાહેર કરી દીધું, પણ એની માર્કશીટ તૈયાર કરવાની પદ્ધતિમાં શિક્ષણ બોર્ડ ગૂંચવાઈ ગયું હતું. પરિણામે, ખાસ સમિતિ બનાવી હતી, એનાં તારણો અને ફોર્મ્યુલાના આધારે માર્કશીટ બનાવવાનો નિર્ણય કરવામાં આવ્યો હતો. ધોરણ 10 અને 12ના તેજસ્વી વિદ્યાર્થીઓ અને વાલીઓમાં હજુ પણ મૂંઝવણ છે કે પરિણામ સારું આવશે, પણ એમાં માસ પ્રમોશન લખેલું હશે તો ઉચ્ચ અભ્યાસથી માંડીને વિદેશ જવામાં નડતરરૂપ બનશે તો કારકિર્દી રોળાઈ જશે. વાલી-વિદ્યાર્થીઓની આ ચિંતાથી માધ્યમિક શિક્ષણ બોર્ડ પણ સજાગ હોવાથી તેણે નક્કી કર્યું છે કે ધોરણ 10 અને 12ની માર્કશીટમાં માસ પ્રમોશનનો ઉલ્લેખ કરવામાં આવશે નહીં.

કોઈ બાળકને નુકસાન ન થાય એવી પદ્ધતિ બોર્ડ અપનાવશે
ગુજરાત માધ્યમિક શિક્ષણ બોર્ડનાં સૂત્રોના જણાવ્યા અનુસાર, બોર્ડની માર્કશીટમાં કયાંય માસ પ્રમોશનનો ઉલ્લેખ નહીં હોય. કોઈ બાળકને નુકસાન ન થાય એવી પદ્ધતિ બોર્ડ અપનાવશે નહિ. એટલું જ નહીં, કોઈ બાળકને ભવિષ્યમાં કોઈ એવું કહીને નહીં જાય કે પરીક્ષા વગર વિદ્યાર્થી પાસ થયો છે, એ પદ્ધતિથી માર્કશીટ તૈયાર કરવામાં આવશે. ધોરણ 10ની માર્કશીટ તૈયાર કરવા માટે માધ્યમિક શિક્ષણ બોર્ડે જાહેર કરેલી ફોર્મ્યુલામાં સાવ ઠોઠ કે સામાન્ય પરીક્ષામાં પણ પૂરતા માર્ક ના લાવી શકતા હોય તેવા વિદ્યાર્થીઓની માર્કશીટમાં Qualified For Secondary School Certificate લખવામાં આવશે.

તસવીર પ્રતીકાત્મક છે.

નબળા વિદ્યાર્થીઓના પરિણામપત્રકમાં ગ્રેડ-ડી દર્શાવાશે
નબળા વિદ્યાર્થીઓ માટે માસ પ્રમોશનને કારણે પાસ થવામાં ખૂટતા ગુણની તૂટ બોર્ડ દ્વારા પરિણામમાં દર્શાવી ગુણ તૂટ ક્ષમ્ય ગણવામાં આવશે. વિદ્યાર્થીને પાસ થવામાં જેટલા ગુણ ખૂટતા હશે એટલા ગુણની તૂટ માફ કરીને પરિણામ પાસ જાહેર કરવામાં આવશે. આવા ઉમેદવારના પરિણામ પત્રકમાં ગ્રેડ-ડી દર્શાવાશે. ધોરણ-10 પરીક્ષામાં દરેક વિષયમાં 80 ગુણમાંથી 26 ગુણ અને 20 ગુણમાંથી 7 ગુણ મેળવી શક્યા ન હોય તેવા ઉમેદવારોને માસ પ્રમોશનને કારણે પાસ જાહેર કરવામાં આવશે. આવા વિદ્યાર્થીઓના પરિણામમાં Qualified For Secondary School Certificate લખવામાં આવશે.

તસવીર પ્રતીકાત્મક છે.

ધો.1થી 12નું ઓનલાઇન શિક્ષણ શરૂ
ઉનાળુ વેકેશન પૂરું થયા બાદ ગઈકાલથી શાળા-કોલેજોમાં નવા શૈક્ષણિક સત્રનો આરંભ થઇ ચૂક્યો છે. ધો.1થી 12ની તમામ શાળાઓમાં અભ્યાસ કરતા આશરે 1.27 કરોડ વિદ્યાર્થીનું શૈક્ષણિક કાર્ય શરૂ થઈ ગયું છે, જેમાં કોરોના મહામારીને કારણે પ્રત્યક્ષ શિક્ષણકાર્યને બદલે ઓનલાઈન શિક્ષણ આપવામાં આવી રહ્યું છે. સતત બીજા વર્ષે ઓનલાઈન શિક્ષણકાર્ય શરૂ થયું છે, આથી આ વર્ષે પણ શાળા પ્રવેશોત્સવ ઊજવવા પર પ્રતિબંધ મૂકવામાં આવ્યો છે. નવા શૈક્ષણિક સત્રનો પ્રારંભ થતાં શાળા-કોલેજોમાં 100 ટકા સ્ટાફ હાજર છે અને ઓનલાઈન શિક્ષણ આપવાનું શરૂ કર્યું છે.

Source : divya bhaskar news

Read More »