હેલ્થ / છાતીમાં જીદ્દી કફ જામી ગયો છે ? તો અપનાવો આ 5 નુસ્ખા, ચપટી વગાડતા મળશે રાહત

હેલ્થ / છાતીમાં જીદ્દી કફ જામી ગયો છે ? તો અપનાવો આ 5 નુસ્ખા, ચપટી વગાડતા મળશે રાહત 

હાલના સમયમાં કફ થઇ જાય તો પણ ટેન્શન વધી જાય છે. કારણકે કફ એ કોરોનાનું લક્ષણ છે અને તેને મટાડવાના ઘરેલૂ ઉપચાર અપનાવવા જોઇએ. 

• કોરોનામાં રાખો તમારા સ્વાસ્થ્યની કાળજી 
• કેવી રીતે કરશો જીદ્દી કફને દૂર 
• આ ઘરેલૂ નુસ્ખા અપનાવવાથી થશે ફાયદો 

સ્ટીમ લેવાથી મળશે રાહત 
કફની સમસ્યા તો તમને સતાવતી હોય તો સૌથી સારો ઓપ્શન છે કે સ્ટીમ લઇ લેવી જોઇએ. તેનાથી હવા સીધી ફેફસા સુધી પહોંચે છે અને કફને તોડવામાં મદદ કરે છે. 

મરી 
છાતીમાં કફ થઇ જવાના કારણે શ્વાસ લેવામાં પણ તકલીફ પડે છે. તેવામાં એક ચમચી કાળા મરી પાઉડર અને મધ મિક્સ કરીને ખાવાથી તમને ગળામાં રાહત મળશે. તમે ઇચ્છો તો કાળા મરીનો સુપ બનાવીને પણ પી શકો છો. 

ગાર્ગલ કરો 
કફ થવા પર મીઠાવાળા પાણીના કોગળા કરવા અસરદાર માનવામાં આવે છે. લ્યુક વોર્મ વોટરમાં મીઠુ મિક્સ કરીને કોગળા કરો. તેનાથી ગળાની ખરાશમાં આરામ મળશે અને કફને પણ તોડી શકશે. 

આદુ 
આદુમાં એન્ટી ઇંફ્લેમેટ્રી ગુણ હોય છે જે નાકના પેસેજને ક્લિયર કરે છે. તેમાં રહેલા તત્વ શરીરમાં બેક્ટેરિયા અને વાયરસના સંક્રમણ સાથે લડવામાં મદદ કરે છે. ગળામાં રહેલ કફ માટે આદુના નાના ટુકડા કરીને લીંબુના રસમાં મિક્સ કરીને તેનું સેવન કરો. તેનાથી તમને આરામ મળશે. 

ફૂદીનાનું તેલ 
ફૂદીનાનું તેલ છાતીમાં જમા થયેલ કફને હટાવવામાં  મદદ કરે છે. ગરમ પાણીમાં ફૂદીનાના તેલની કેટલીક ડ્રોપ્સ નાંખો અને સ્ટીમ લો. તેનાથી તમને કફમાં આરામ મળશે. 

Read More »

માસ પ્રમોશન મુદ્દે એક્સપર્ટ વ્યૂ:માર્કશીટમાં પ્રમોશન લખેલું હોય તો ભવિષ્યમાં વિદેશ ભણવા જવું હોય તો તકલીફ પડી શકે છે.

 માસ પ્રમોશન મુદ્દે એક્સપર્ટ વ્યૂ:માર્કશીટમાં પ્રમોશન લખેલું હોય તો ભવિષ્યમાં વિદેશ ભણવા જવું હોય તો તકલીફ પડી શકે છે.

ફાઇલ તસવીર.

ધો. 10માં માસ પ્રમોશન આપવાના નિર્ણયથી સ્કૂલો, વાલીઓ અને શિક્ષણ પર માઠી અસર પડે એવી સંભાવના નિષ્ણાતોએ વ્યક્ત કરી છે. શિક્ષણ વિભાગનાં સૂત્રો મુજબ ધો. 10માં અંદાજે 79 હજાર વિદ્યાર્થીઓ રજિસ્ટર્ડ થાય છે. આમાંથી સરેરાશ 11 હજાર જેટલા વિદ્યાર્થી દર વર્ષે આઇટીઆઇ અને ડિપ્લોમામાં પ્રવેશ મેળવે છે, જેની સામે ધો. 11 સાયન્સ અને સામાન્ય પ્રવાહમાં 59 હજાર જેટલી બેઠકો છે. આ મુજબ 9 હજાર વિદ્યાર્થીના પ્રવેશ માટે મુશ્કેલી સર્જાશે.

સેન્ટ્રલાઇઝ પરીક્ષા રદ કરે એવી શક્યતા
નિષ્ણાતોનું કહેવું છે કે સ્કૂલોમાં 200થી વધુ વર્ગ વધારવા પડશે અને 400 શિક્ષકોની ભરતી પણ કરવી પડશે. ‘દિવ્ય ભાસ્કર’એ વાલીઓ પાસેથી તેમને મૂંઝવતા પ્રશ્નો મગાવ્યા હતા, જેમાં મહત્તમ વાલીઓનો સવાલ હતો કે ધો.11માં પ્રવેશ કેવી રીતે મળશે? સ્કૂલ-સંચાલકોએ જવાબ આપ્યો હતો કે પ્રવેશ માટે સરકારની ગાઇડલાઇન્સ મુજબ તેમજ ધો. 10ની પહેલી અને બીજી કસોટીનાં પરિણામના આધારે પ્રવેશ આપીશું. સ્વનિર્ભર શાળા સંચાલક મંડળ પ્રમુખ સવજીભાઈ હુણે કહ્યું હતું કે નિર્ણય ખોટો છે. બોર્ડે ઓનલાઇન ટેસ્ટ લેવી જોઇએ. શિક્ષણવિદ ડો. અનીષા મહિડાએ કહ્યું હતું કે માસ પ્રમોશનને લીધે વિદેશમાં વધુ અભ્યાસ માટે મુશ્કેલી સર્જાશે. સરકારી નોકરીમાં પણ તકલીફ ઊભી થશે. ડિપ્લોમા અને આઇટીઆઇ જેવી સંસ્થા મેરિટ લિસ્ટ કેવી રીતે તૈયાર કરશે એ પણ એક સવાલ છે. કદાચ સેન્ટ્રલાઇઝ પ્રવેશ પ્રક્રિયા પણ રદ કરવાનો વારો આવે.

ડો. કેતન શેલત, શિક્ષણ નિષ્ણાત.

સવાલ: માર્કશીટમાં માસ પ્રમોશન લખેલું હોય તો કરિયર પર અસર થશે?
જવાબ: સમગ્ર દેશમાં માસ પ્રમોશન આપે તો વાંધો ન આવે, વિદેશમાં અભ્યાસ માટે જવું હોય તો તકલીફ પડી શકે છે

સવાલ: વિદ્યાથીને ધોરણ 11માં હવે કંઇ સ્ટ્રીમમાં મૂકવા જોઇએ?
જવાબ: જે-તે વિદ્યાર્થીનાં પાછલાં 3 વર્ષનાં પરિણામનો અભ્યાસ કરવો જોઇએ, જેના આધારે કઇ સ્ટ્રીમમાં પ્રવેશ મેળવવો એ બાબતે નિર્ણય કરી શકાય.

સવાલ: વિદ્યાર્થીને ધો. 11માં પ્રવેશ કેવી રીતે મળી શકશે?
જવાબ: સરકારે ધો. 11ના પ્રવેશ માટે હજુ ગાઇડલાઇન્સ નક્કી કરી નથી, પરંતુ હાલના તબક્કે વાલીએ સ્કૂલ બદલવાનો નિર્ણય ટાળવો જોઇએ.

સવાલ: ધો.10ની માર્કશીટ કઈ કઈ પ્રવેશ પરીક્ષામાં માન્ય ગણાય છે?
જવાબ: જેઇઇ, નીટ, સિમેન્સ સહિતની તમામ એન્ટ્રસ્ટ ટેસ્ટમાં ફરજિયાત છે. એ સાથે દેશ-વિદેશની શૈક્ષણિક સંસ્થામાં પણ ફરજિયાત છે.

સવાલ: ITI અને ડિપ્લોમામાં મેરિટ લિસ્ટ કેવી રીતે બનશે?
જવાબ: હાલમાં સરકારે માત્ર માસ પ્રમોશનનો નિર્ણય કર્યો છે. અન્ય તમામ નિર્ણય માટે કમિટી બનાવી છે, જેના રિપોર્ટના આધારે સ્પષ્ટ થશે.

સવાલ: ધો.10ની બોર્ડની પરીક્ષાનો અનુભવ નથી મળ્યો ત્યારે ધો.12ની બોર્ડની પરીક્ષા માટે શું કાળજી લઇ શકાય?
જવાબ: દરેક સ્કૂલે આ માટે પોતાની વ્યવસ્થા ઊભી કરવી પડશે અને ધો. 10ની જેમ જ ધો.11ની પરીક્ષા સ્કૂલ કક્ષાએ લેવી જોઇએ. સરકારે પણ ધો.12ની બોર્ડ પહેલાં પ્રી-બોર્ડની પરીક્ષા યોજવી જોઇએ.

સવાલ: ધો. 10ની માસ પ્રમોશનની માર્કશીટ કઈ રીતે તૈયાર થશે? એમાં માસ પ્રમોશન લખાશે તો ભવિષ્યમાં પ્રવેશ માટે તકલીફ પડે ખરી?
જવાબ: સ્પષ્ટ માર્ગદર્શિકા નહીં હોવાથી કહેવું મુશ્કેલ છે, પણ ધો. 10માં આખા દેશમાં માસ પ્રમોશન અપાશે તો વાંધો નહીં આવે. જોકે વિદેશની શૈક્ષણિક સંસ્થામાં પ્રવેશ લેતી સમયે તકલીફ આવી શકે છે.

સવાલ: ધો.10ના માસ પ્રમોશનની માર્કશીટથી સરકારી નોકરીમાં કોઈ સમસ્યા આવે ખરી?
જવાબ: નવનિર્માણ સમયે માસ પ્રમોશન આપતાં સરકારી નોકરીમાં તકલીફ પડી હતી, જેથી ફરી એ સ્થિતિ સર્જાય એવી સંભાવના નકારી શકાય નહીં.

સવાલ: ધો.12 વિજ્ઞાન પ્રવાહમાં એ ગ્રુપમાં લેવાય કે બી ગ્રુપમાં?
જવાબ: ગણિતમાં સારા માર્ક્સ આવતા હોય તો એ ગ્રુપ અને અને વિજ્ઞાનમાં સારા માર્ક્સ હોય તો બી ગ્રુપમાં પ્રવેશ લઇ શકાય. સ્કૂલ પણ પ્રવેશ પરીક્ષા લે તો વાલીની મૂંઝવણ દૂર થાય.

સવાલ: રિપીટર વિદ્યાર્થીઓની પરીક્ષા લેવાશે?
જવાબ: હાલની સ્થિતિને જોતાં રિપીટર વિદ્યાર્થીઓની પરીક્ષા મોડી લેવાઇ શકે છે. જોકે સરકારે હજુ નિર્ણય કર્યો નથી, પરંતુ આ વિદ્યાર્થીઓની પરીક્ષા લેવાય એવી શક્યતા છે.

સવાલ: ધો. 10માં ભરેલી પરીક્ષા ફી પરત મળશે?
જવાબ: સરકાર આ મામલે યોગ્ય નિર્ણય કરશે, પરંતુ મહદંશે પરીક્ષા ફી પાછી મળે એવી સંભાવના છે. જોકે કેવી રીતે પાછી આપવામાં આવશે એ બાબત હજુ સ્પષ્ટ નથી.

Source : દિવ્યભાસ્કર ન્યૂઝ રિપોર્ટ.

Read More »

આફત / 'તૌકતે'ને લઈને મોટા સમાચાર : વધુ મજબૂત બન્યું વાવાઝોડું, NDRF-SDRF સજ્જ, રાજ્યભરના વાતાવરણમાં પલટો

આફત / 'તૌકતે'ને લઈને મોટા સમાચાર : વધુ મજબૂત બન્યું વાવાઝોડું, NDRF-SDRF સજ્જ, રાજ્યભરના વાતાવરણમાં પલટો

કોરોના વાયરસના સંકટની વચ્ચે ગુજરાત માથે વાવાઝોડાનું સંકટ છે ત્યારે કેટલાક જિલ્લાઓના વાતાવરણમાં પલટો જોવા મળ્યો છે.

• તૌકતે વાવાઝોડું વધુ મજબૂત બન્યું
• હવે સિવિયર સાયક્લોનીક સ્ટોર્મમાં ફેરવાયું વાવાઝોડું
• વેરાવળથી અંદાજે 800 કિલોમીટર દૂર છે વાવાઝોડું

વાવાઝોડાને લઈને મોટા સમાચાર

તૌકતે વાવાઝોડાને લઈને ગુજરાત સહિત દરિયાકાંઠાના રાજ્યોમાં ટેન્શન વધ્યું છે ત્યારે અરબ સાગરમાં આ ચક્રવાત વધુને વધુ મજબૂત બની રહ્યું છે. ચક્રવાત હવે સિવિયર સાયક્લોનીક સ્ટોર્મમાં ફેરવાયું છે અને હાલમાં વાવાઝોડું પણજી-ગોવાથી 200 કિલોમીટર જેટલું દૂર છે તથા વેરાવળથી 700 કિમી દૂર છે. જૉ આ જ દિશા રહી તો વાવાઝોડું સીધું જ પોરબંદરને ટકરાશે અને જૉ દિશા બદલાય તો વાવાઝોડું અન્ય દિશામાં ફંટાઈ શકે છે. હવામાન વિભાગના અનુમાન મુજબ વાવાઝોડું 18મી મેના રોજ ગુજરાતને ટકરાઇ શકે છે.

તંત્રની તૈયારીઓ :

 

• અમરેલીના જાફરાબાદમાં SDRF તથા NDRFની ટુકડીઓ પહોંચી ગઈ છે

• વલસાડમાં તિથલ દરિયાકિનારે ચુસ્ત પોલીસ બંદોબસ્ત, NDRFની ટીમ પહોંચી તથા વાતાવરણમાં પલટો

• સુરતમાં સંભવિત અસરને પગલે 29 ગામોને કરાયા એલર્ટ
• જામનગરના બંદરો ઉપર 2 નંબરનું સિગ્નલ તથા 22 ગામડાઓ અલર્ટ ઉપર મુકાયા

• પોરબંદર : માધવપુરથી મિયાણી સુધીના 30 ગામ હાઈઅલર્ટ પર, લોકોને સલામત સ્થળે ખસેડવા તલાટીઓને સ્ટેન્ડ બાય રહેવા આદેશ

• રાજકોટમાં હવામાન બગડે તો ફલાઈટ સુરત ડાયવર્ટ કરવાની સંભાવના, સુરત એરપોર્ટ ઉપર અલર્ટ

• અમદાવાદમાં વહેલી સવારે પડ્યો સામાન્ય વરસાદ, આજે સૌરાષ્ટ્ર-દક્ષિણ ગુજરાતમાં વરસાદની સંભાવના

• જૂનાગઢ, ગીર સોમનાથ માટે NDRFની 2 ટીમ ફાળવાઈ, જિલ્લાના 47 ગામ હાઈઅલર્ટ ઉપર

• પંજાબ-ઓરિસ્સાથી 15 ટીમો એરફોર્સના વિમાનમાં પહોંચી વડોદરા, ટીમોને દ.ગુજરાત-સૌરાષ્ટ્ર વિસ્તારમાં મોકલાઇ

Source : Vtv ન્યૂઝ

Read More »

તાઉ-તેનું તોળાતું સંકટ:વાવાઝોડું ગુજરાતથી 930 કિ.મી. દૂર, 6 કલાકમાં તાઉ-તેની તીવ્રતા વધશે, 18મીએ બપોરના સમયે પોરબંદર અને નલીયા આસપાસ ત્રાટકશે

તાઉ-તેનું તોળાતું સંકટ:વાવાઝોડું ગુજરાતથી 930 કિ.મી. દૂર, 6 કલાકમાં તાઉ-તેની તીવ્રતા વધશે, 18મીએ બપોરના સમયે પોરબંદર અને નલીયા આસપાસ ત્રાટકશે

• સંભવિત વાવાઝોડાના પગલે તંત્ર સાબદુ, દરિયાકાંઠાના ગામોને એલર્ટ કરાયા

• NDRFની 15 ટીમ જામનગર પહોંચી

• એનડીઆરએફની ટીમો તૈનાત કરવામાં આવી

ભારત સરકારના ગૃહમંત્રાલયમાં આવતા ડિઝાસ્ટર મેનેજમેન્ટ ડિવીઝન-નેશનલ ઇમર્જન્સી રિસ્પોન્સ સેન્ટરના જણાવ્યા અનુસાર 6 કલાકમાં વાવાઝો઼ડાની તીવ્રતા વધે તેમ છે. આગામી 24 કલાકમાં વાવાઝોડું વધુ મજબૂત બનશે અને ગુજરાતના દરિયા કિનારા તરફ આગળ વધશે. હાલમાં તે દક્ષિણ અને દક્ષિણ પૂર્વ વેરાવળથી 930 કિલોમીટર દૂર છે. જે 18 મેના રોજ ગુજરાતના દરિયા કિનારે પોરબંદર અને નલીયા આસપાસ બપોરના સમયે ત્રાટકશે.

હવાઇમથકોને તકેદારીના તમામ પગલાં લેવા તાકીદ કરી

ભારતમાં પશ્ચિમી દરિયાકાંઠે આવી રહેલા તૌક્તે વાવાઝોડાને ધ્યાનમાં રાખીને, આ વિષય સંદર્ભે બહાર પાડવામાં આવેલા ટેકનિકલ પરિપત્ર અનુસાર, ભારતીય હવાઇમથક સત્તામંડળ ખાતે વરિષ્ઠ મેનેજમેન્ટે દિલ્હીમાં આવેલા કોર્પોરેટ હેડક્વાર્ટર ખાતે વીડિયો કોન્ફરન્સના માધ્યમથી દક્ષિણી પ્રદેશ અને પશ્ચિમી પ્રદેશમાં પશ્ચિમી દરિયાકાંઠાના હવાઇમથકોમાં પૂર્વતૈયારીઓની માહિતી મેળવી હતી. AAIના સભ્ય (પરિચાલન) આઇ.એન.મૂર્તિએ સંબંધિત હવાઇમથકોને તકેદારીના તમામ પગલાં લેવાની અને પૂર્વતૈયારીનું આયોજન કરવાની તાકીદ કરી હતી.

17મીએ અતિ ભારે વરસાદ પડી શકે
વાવાઝોડાની અસરને પગલે ગુજરાતમાં સૌરાષ્ટ્રના દરિયા કિનારા વિસ્તારમાં તારીખ 16મીથી જ હળવા કે મધ્યમ ઝાપટા - વરસાદ પડશે, તો 17મી તારીખે ગીર સોમનાથ જુનાગઢના કેટલાક વિસ્તારમાં અતિ ભારે વરસાદ પડી શકે છે.તારીખ 18મીના રોજ સૌરાષ્ટ્ર અને કચ્છના કેટલાક વિસ્તાર જેમ કે, પોરબંદર, દેવભુમી દ્વારકા, જામનગર અને કચ્છમાં અતિભારે વરસાદ પડશે અને દરિયા કિનારે 120થી 150 કીમી પ્રતિ કલાકની ઝઢપે પવન ફુકાઇ શકે છે. વાવાઝોડાનાં પગલે દરુિયાઇ સીમાવર્તી વિસ્તારના માછીમારોને દરિયો ન ખેડવા જણાવાયુ છે.

સૌરાષ્ટ્રમાં 15 એનડીઆરએફની ટીમ તૈનાત કરાશે
સંભવિત વાવાઝોડાની શક્યતાના પગલે સૌરાષ્ટ્ર અને દક્ષિણ ગુજરાતમાં તંત્ર દ્વારા માછીમારોને દરિયો ન ખડેવા અને દરિયાકાંઠાના વિસ્તારોમાં એલર્ટ આપવામાં આવ્યું છે. એનડીઆરએફની ટીમો પણ તૈનાત કરવામાં આવી છે. અમરેલી, ગીર સોમનાથ, પોરબંદર, દેવભૂમિ દ્વારકા, જામનગર, રાજકોટ અને કચ્છમાં 2-2 ટીમ જ્યારે ભાવનગરમાં 1 એનડીઆરએફની ટીમ મોકલવામાં આવશે. જ્યારે કેટલીક ટીમો સ્ટેન્ડ બાય રાખવામાં આવશે. અન્ય રાજ્યની 15 જેટલી એનડીઆરએફની ટીમ જામનગર પહોંચી છે અને ત્યાંથી ટીમને અન્ય જિલ્લામાં મોકલવામાં આવશે.

સૌરાષ્ટ્ર અને દક્ષિણમાં કાંઠાના ગામોને એલર્ટ કરાયા
ભાવનગર, પોરબંદર, અમરેલી, ગીર સોમનાથ, જામનગર સહિતના સૌરાષ્ટ્રના દરિયાકાંઠાના ગામો, કચ્છના ગામો તથા દક્ષિણ ગુજરાતના દરિયાકાંઠાના ગામોને એલર્ટ કરવામાં આવ્યા છે. ભરૂચમાં જિલ્લાના 3 તાલુકા હાંસોટ, જંબુસર અને વાગરાના 29 જેટલા ગામોને એલર્ટ અપાયું છે. સંભવિત તૌકતે વાવાઝોડાને લઈ તંત્ર એલર્ટ થઈ ગયું છે. ભરૂચ જિલ્લાના 3 તાલુકાના દરિયાકાંઠે આવેલા 29 ગામોને એલર્ટ કરવામાં આવ્યા છે.

સૌરાષ્ટ્રના અનેક વિસ્તારમાં વાતાવરણમાં પલ્ટો
હવામાન વિભાગની આગાહી અનુસાર તાઉ-તે વાવાઝોડા કારણે તા. 16 અને 18 મેના રોજ સૌરાષ્ટ્ર અને કચ્છના કેટલાક વિસ્તારોમાં વરસાદી ઝાપટા પડવાની શક્યતાઓ રહેલી છે. ખાસ કરીને અમરેલી જિલ્લામાં દરીયાઈ વિસ્તારના તાલુકા જાફરાબાદ અને રાજુલામાં કેટલાક વિસ્તારોમાં વરસાદી ઝાપટા અને વાદળ છાયું વાતાવરણ રહે તેવી શક્યતા છે હાલમા ખેતરમાં ઉભા પાક જેવા કે લસણ, ઉનાળુ બાજરી, ઘાસચારો, શાકભાજી અને કઠોળ વગેરે પાકોમાં ખેડૂતોને સાવચેતી અને સલામતીના પગલા લઈ ખેતી પાકોમાં જોખમ ઘટાડવા કાળજી લેવી આવશ્યક છે.

Read More »

સહાય:કોરોના મહામારીમાં માં-બાપની છત્રછાયા ગુમાવનાર બાળકોને સરકાર દર મહિને 4 હજારની સહાય આપશે

સહાય:કોરોના મહામારીમાં માં-બાપની છત્રછાયા ગુમાવનાર બાળકોને સરકાર દર મહિને 4 હજારની સહાય આપશે

સરકારે છત્રછાયા ગુમાવનાર બાળકોને સુરક્ષા કવચ પુરુ પાડવાનો નિર્ણય લીધો

• ગુજરાત સરકારની પાલક માતા-પિતા યોજના હેઠળ કોરોનામાં છત્રછાયા ગુમાવનારા બાળકોને આશ્રય પૂરો પડાશે
• કોર ગ્રૂપની મીટિંગમાં મુખ્યમંત્રી રૂપાણીનો નિર્ણય
• બાળક 18 વર્ષનું થાય ત્યાં સુધી દર મહિને સરકાર સહાય આપશે
• રાજ્યમાં કોરોનાને કારણે અનેક બાળકો નિરાધાર બન્યા છે. આ મુદ્દે ગુરૂવારે મુખ્યમંત્રી નિવાસસ્થાને મળેલી કોર ગ્રૂપની બેઠકમાં આવા બાળકોનો ઉછેર તેમના સગા દ્વારા થતો હોય તેવા સંજોગોમાં રાજ્ય સરકારે માસિક 4 હજારની સહાય ચૂકવવાનું નક્કી કર્યું છે. બાળક 18 વર્ષનું થાય ત્યાં સુધી રકમ ચૂકવાશે. નોંધનીય છે કે, સામાજિક ન્યાય અને અધિકારીતા વિભાગની પાલક માતા-પિતા યોજના અમલી છે. જેમાં દર મહિને 3 હજારની સહાય ચૂકવાય છે. આ યોજનામાં માતા-પિતાનું અવસાન થયું હોય અથવા પિતાના અવસાન બાદ માતાએ પુનઃ લગ્ન કર્યા હોય અને બાળકનો સહાય ચૂકવાય છે. જોકે, પાલક માતા-પિતાની વાર્ષિક આવક ગ્રામ્ય વિસ્તારમાં 27 હજાર અને શહેરમાં 36 હજારથી ઓછી હોય તેમને સહાય મળવાપાત્ર છે.
• 
  
• બાળક દીઠ રૂપિયા 3 હજારની સહાય અપાશે
• જ્યારે જે બાળકના પિતાનું અવસાન થયું હોય અને માતાને બાળકને મૂકીને બીજે પુનર્લગ્ન કર્યા હોય એવા કિસ્સામાં પણ એ બાળકની 18 વર્ષની ઉંમર સુધી પાલક માતા-પિતા યોજના હેઠળ દર મહિને બાળક દીઠ રૂપિયા 3 હજારની સહાય આપવામાં આવશે.આ કામગીરી માટે જિલ્લા બાળ સુરક્ષા એકમ, અમદાવાદની કચેરીનો સંપર્ક કરવાનો રહેશે. આ ઉપરાંત જે બાળકોના માતા-પિતાને કોરોના પોઝીટીવ હોવાના કારણે હોસ્પિટલમાં દાખલ કર્યા હોય અને તેમના બાળક-બાળકોની સાર-સંભાળ રાખનાર કોઈ જ ન હોય તેવા કિસ્સામાં 0 થી 18 વર્ષના બાળકોની નીચે દર્શાવેલ સંસ્થાઓમાં પ્રવેશ આપી સાર-સંભાળ રાખવામાં આવશે.
• 6 થી 18 વર્ષના છોકરાઓ માટેની સંસ્થા- ચિલ્ડ્રન હોમ ફોર બોયઝ, શિયાળ, ગામ- શિયાળ, તા-બાવળા,
• 6 થી 18 વર્ષની છોકરીઓ માટે સંસ્થા- ચિલ્ડ્રન હોમ ફોર ગર્લ્સ, ઓઢવ, પાણીની ટાંકી પાસે, જીઆઈડીસી ઓઢવ, અમદાવાદ.
• 0 થી 6 વર્ષના બાળકો માટેની સંસ્થા – સ્પેશ્યલાઈઝ્ડ એડોપ્શન એજન્સી- ઓઢવ પાણીની ટાંકી પાસે, જીઆઈડીસી ઓઢવ, અમદાવાદ

સ્મશાનમાં ફરજ બજાવતા કર્મીનું કોરોનાથી મૃત્યુ થાય તો 25 લાખની સહાય

સ્મશાનમાં ફરજ બજાવતા કર્મીનું કોરોનાથી મૃત્યુ થાય તો 25 લાખની સહાય
ગાંધીનગરમાં મુખ્યમંત્રીના અધ્યક્ષ સ્થાને મળેલી કોર કમિટીની બેઠકમાં મહત્વનો નિર્ણય લેવામાં આવ્યો છે.મુખ્યમંત્રી રૂપાણીએ રાજ્યના સ્મશાનગૃહોમાં મૃતદેહોના અંતિમ સંસ્કારની સેવા કામગીરી કરતાં સ્મશાનગૃહના કર્મચારીઓને કોરોના વોરિયર્સ ગણીને તેમને રાજ્ય સરકાર દ્વારા કોરોના વોરિયર્સને મળવાપાત્ર તમામ લાભ તારીખ 1 એપ્રિલ 2020ની અસરથી આપવાનો નિર્ણય કર્યો છે. સ્મશાનગૃહમાં ફરજ બજાવતા આવા કોઈ કોઈ કર્મચારીનું કોરોનાને કારણે અવસાન થાય તો તેમના પરિવાર-વારસદારોને રૂપિયા 25 લાખની સહાય પણ રાજ્ય સરકાર આપશે.

Source : દિવ્યભાસ્કર ન્યૂઝ

Read More »

ચક્રવાત / 21 વર્ષમાં પ્રથમ વખત 18 મેએ ગુજરાતના માથે આ સંકટની દહેશત, હૅલિકૉપ્ટરથી સાયરન વગાડાઈ

ચક્રવાત / 21 વર્ષમાં પ્રથમ વખત 18 મેએ ગુજરાતના માથે આ સંકટની દહેશત, હૅલિકૉપ્ટરથી સાયરન વગાડાઈ

અરબ સાગર પર સર્જાયેલું લો પ્રેશરનું ક્ષેત્ર 16 મે એટલે કે રવિવારે ચક્રવાતી તોફાનમાં બદલાઈ શકે છે, 18 મે સુધી આ વાવાઝોડું ગુજરાતના દરિયાકિનારા સુધી પહોંચી શકે છે 

• 21 વર્ષમાં પ્રથમ વખત મે મહિનામાં આ ઘટના સર્જાશે
• મે મહિનામાં ચક્રવાતી તોફાન ગુજરાતના કાંઠે પહોંચશે
• છેલ્લે 2011માં ગુજરાતના તટે પહોંચનારું વાવાઝોડું ARB O1

છેલ્લા 21 વર્ષમાં પ્રથમ વખત એવું બનશે કે મે મહિનામાં કોઈ ચક્રવાતી તોફાન ગુજરાતના કાંઠે પહોંચશે. એક રિપોર્ટ મુજબ મે મહિનામાં છેલ્લે 2011માં ગુજરાતના તટે પહોંચનારું વાવાઝોડું ARB O1 હતું.

અરબ સાગર પર સર્જાયેલું લો પ્રેશરનું ક્ષેત્ર 16 મે એટલે કે રવિવારે ચક્રવાતી તોફાનમાં બદલાઈ શકે છે. એક પૂર્વાનુમાન મુજબ દક્ષિણ પૂર્વ અરબ સાગર અને લક્ષદ્વીપ વિસ્તારમાં બની રહેલું આ વાવાઝોડું શનિવાર સવાર સુધી તો વિસ્તારમાં લો પ્રેશરમાં તબદિલ થઈ જશે. તેના 24 કલાક બાદ વાવાઝોડાનું સ્વરૂપ લેશે. હવામાન વિભાગ અનુસાર તેના ઉત્તર-ઉત્તર પશ્ચિમ ગુજરાત અને પાકિસ્તાની તટ તરફ વધવાની સંભાવના છે. 18 મે સુધી આ વાવાઝોડું ગુજરાતના દરિયાકિનારા સુધી પહોંચી શકે છે.

 

21 વર્ષમાં પ્રથમ વખત બનશે આવું

છેલ્લા 21 વર્ષમાં પ્રથમ વખત એવું બનશે કે કોઈ વાવાઝોડું મે મહિનામાં ત્રાટકશે. એક રિપોર્ટ મુજબ મે મહિનામાં છેલ્લે 2011માં ગુજરાતના તટે પહોંચનારું વાવાઝોડું ARB O1 હતું. આ વાવાઝોડાની અસર 2001માં 21 મેથી લઈને 28 મે સુધી જોવા મળી હતી. તે સમયે અત્યંત ગંભીર વાવાઝોડું હતુ જે 22 મે 2001 સોમાલિયાના તટ પર વિકાસ થયો હતો. 215 કિ.મીની ઝડપથી ચાલતી હવાઓ સાથે તે અરબ સાગરનું સૌથી મજબૂત અને ખતરનાક વાવાઝોડું હતું. જો કે 2007માં સુપર સાઈક્લોન ગોનુએ તેને પછાડ્યું હતું. ગુજરાત પહોંચનારું અંતિમ ચક્રવાત ARB O1 ઉત્તરી અરબ સાગરમાં ગુજરાત તટથી નબળું પડી ગયું હતું.

હૅલિકોપ્ટરથી સાયરન વગાડી કરાયા અલર્ટ

તૌકતે વાવાઝોડાના પગલે કોસ્ટગાર્ડ સહિતની સુરક્ષા એજન્સીઓ અલર્ટ થઈ ગઈ છે. જેના પગલે પોરબંદરમાં કોસ્ટગાર્ડ દ્વારા લોકોને સાવચેત કરવા માટે માધવપુર ગામમાં હેલિકોપ્ટરનો ઉપયોગ કરાયો હતો. હેલિકોપ્ટરમાં સાયરન વગાડી લોકોને સાવચેત રહેવા અપીલ કરરવામાં આવી હતી. જ્યારે માધવપુર સહિતના દરિયાઈ વિસ્તારોમાં ખાસ કરીને માછીમારોને દરિયો ન ખેડવાની સૂચના આપવામાં આવી હતી.

સૌરાષ્ટ્રમાં વાતાવરણ પલટાથી ભારે વરસાદ શરૂ

તૌકતે વાવાઝોડા પહેલાં જ સૌરાષ્ટ્રના વાતાવરણમાં પલટો જોવા મળી રહ્યો છે. રાજકોટ અને અમરેલીના ગ્રામ્ય વિસ્તારોમાં વાતાવરણ પોતાનો મિજાજ બદલી રહ્યો છે. અમરેલીના સાવરકુંડલામાં પવન સાથે ભારે વરસાદ શરૂ થયો છે. જેના પગલે ભર ઉનાળે ચોમાસા જેવો માહોલ સર્જાયો છે. અમરેલીના સરસિયા અને ધારીના ગ્રામ્ય વિસ્તારમાં પણ વરસાદી વાતાવરણ સર્જાયું છે. ગ્રામ્ય વિસ્તારમાં ફરી કમોસમી વરસાદથી ખેડૂતોની ચિંતા વધી છે. આ તરફ રાજકોટના ગ્રામ્ય વિસ્તારમાં પણ વાતાવરણમાં પલટો જોવા મળ્યો હતો. રાજકોટના કાલાવડ રોડ પર આવેલા વાજડી વડ ગામ નજીક ધૂળની ડમરીઓ ઉડી હતી ઉપરાંત બેડી, હડમતિયા, ગવરિદડ પંથકમાં વરસાદ પણ પડ્યો હતો.

બીજી બાજુ અમરેલીના સાવરકુંડલામાં પણ પવન સાથે વરસાદ શરૂ થયો છે. જેના કારણે ખેડૂતોની ચિંતામાં વધારો થયો હતો કારણ કે ઊભા પાકને નુકસાન થવાની આશંકા છે. ધારી સહિત ગ્રામ્ય વિસ્તારોમાં વરસાદને કારણે કેરી સહિતના મહત્વના પાકને નુકસાન થવાનો ભય સેવાઈ રહ્યો છે. અમરેલીના સરસિયાના વિસ્તારમાં રોડ-રસ્તા પણ પાણી વહેવાના દ્રશ્યો સર્જાયા હતા.

Read More »

ના હોય! / સ્મશાનમાં ચિતામાંથી ઓમ-ઓમના અવાજ સાથે ઉઠી લાશ પછી જે થયુ...

ના હોય! / સ્મશાનમાં ચિતામાંથી ઓમ-ઓમના અવાજ સાથે ઉઠી લાશ પછી જે થયુ...

કોરોનાના કારણે રોજ કેટલા લોકો જીવ ગુમાવે છે અને સ્મશાનગૃહમાં પણ લાશનું વેઇટિંગ જોવા મળે છે તેવામાં મધ્યપ્રદેશના એક સ્મશાનમાં અજીબ ઘટના ઘટી છે.

• હોસ્પિટલમાંથી મૃત ઘોષિત કરવામાં આવ્યો
• સ્મશાનની ચિતામાંથી ઉઠી લાશ
• ઓમ ઓમના અવાજ સાથે ઉઠી હતી લાશ

ગુરુવારે મુક્તિધામમાં એક લાશ ચિતામાંથી ઉઠી હતી અને અજીબ અવાજ કરવા લાગી હતી. જે બાદ એમ્બ્યુલન્સ અને ડૉક્ટરને ફોન કરવામાં આવ્યો હતો.

મુક્તિધામમાં એમ્બ્યુલન્સ આવી અને તેને તપાસીને મૃત ઘોષિત કરી દેવામાં આવ્યો હતો પરંતુ ઘરના લોકો ન માન્યા તો તેને હોસ્પિટલ લઇ જવામાં આવ્યો પરંતુ ત્યાં પણ તેને મૃત ઘોષિત કરવામાં આવ્યો હતો.

અશોક નગરનો આ કિસ્સો છે અને અનિલ જૈન નામના યુવકની તબિયત ખરાબ થતા તેને જિલ્લાના હોસ્પિટલમાં ભરતી કરવામાં આવ્યો હતો અને 15 દિવસથી તે દવાખાનામાં એડમિટ હતો. મૃતકના ભાઇનું કહેવુ છે કે જ્યારે તેના અંતિમસંસ્કાર માટે અમે તેને મુક્તિધામ લઇ ગયા ત્યારે તેના શરીરમાં હલચલ થઇ અને ઓમ ઓમના અવાજ સાથે તે બેસી ગયો.

જે બાદ ડૉક્ટરની ટીમ આવી અને મૃત ઘોષિત કરી દેવામાં આવ્યો હતો પરંતુ પરિવારજનોનો આરોપ છે કે મૃતક જીવતો હતો. પરિજનોએ હોસ્પિટલ પ્રબંધન પર બેદરકારીનો આરોપ લગાવ્યો છે.

સિવિલ સર્જને કહ્યું કે, પરિવારના લોકોનો આરોપ ખોટો છે. તે મૃત્યુ પામ્યો હતો અને તેને મુક્તિધામમાંથી લાવ્યા બાદ પણ ચેક કરવામાં આવ્યો પરંતુ તે મૃત હતો. પરિવારના લોકોનો આરોપ નિરાધાર છે.

Source by Vtvgujarati

Read More »