ઑસ્ટ્રેલિયામાં માઉસ પ્લેગ, કેવી રીતે લાખો ઉંદરો ઑસ્ટ્રેલિયામાં આતંક મચાવી રહ્યા છે, જુઓ વિડિયો

ઑસ્ટ્રેલિયામાં માઉસ પ્લેગ, કેવી રીતે લાખો ઉંદરો ઑસ્ટ્રેલિયામાં આતંક મચાવી રહ્યા છે, જુઓ વિડિયો

હાલમાં પુરી દુનિયા કોરોના સામે જંગ લડી રહી છે. અને તેનાથી કેમ બચવું તેની સામે કેવી રીતે સાવચેતી રાખવી તેની મુંજવણ માં છે. જ્યારે ઓસ્ટ્રેલિયા નાં એક શહેર માં માઉસ પ્લેગ ફાટી નીકળ્યો છે. આપણ ને એક વિચાર જરૂર થી આવતો હશે કે વળી માઉસ પ્લેગ શું છે માઉસ પ્લેગ કેવી રીતે ફાટી નીકળ્યો તો આપને જણાવી માઉસ પ્લેગ વિશે સંપૂર્ણ માહિતી નીચે વાંચો.

ઓસ્ટ્રેલિયા નાં પૂર્વ વિસ્તારમાં હાલમાં ઉંદરો આતંક મચાવી રહ્યા છે. ત્યાં નાં વિસ્તાર માં હાલમાં લાખોની સંખ્યામાં ઉંદરો પેદા થયાં છે અને આ ઉંદરો લોકો નાં ઘરો સુધી રસોડા માં પણ પહોચી ગયા છે લોકો ઉંદરો થી બચવા માટે ઘર બંધ કરી રહ્યા છે. ત્યાં નાં લોકો ની પથારી માં પણ ઉંદરો પહોચી ગયા છે અને આ ઉંદરો કરડી પણ રહ્યા છે.

ગામડાઓ નાં લોકો આ ઉંદરો રાત ના સમય માં કરડે નહિ તે માટે તેમની પથારી પાણી ભરેલી બાલટી ઉપર રાખે છે જેથી ઉંદરો પથારી ઉપર ચડે નહિ.

હાલમાં ત્યાંની સરકારે ઉંદરો સામે યુદ્ધ જાહેર કર્યું છે એટલે કે ઉંદરો સામે લડવા માટે સરકાર ઝેરી દવા અને ઝેરી ખોરાક ની તૈયારી કરી રહી છે. અને તાત્કાલિક ધોરણે આ ઉંદરો મારવાની કામગીરી હાથ ધરવામાં આવશે.

આપણ ને એક પ્રશ્ન થતો હસે કે આટલા બધા ઉંદરો આવ્યા ક્યાંથી, તો અમુક મીડિયા અહેવાલ પ્રમાણે એવુ કહેવામાં આવે છે કે ત્યાંના વિસ્તારમાં બે વર્ષ નાં દુષ્કાળ બાદ પુષ્કળ પ્રમાણ માં વરસાદ પડ્યો અને વાતાવરણ એક દમ ઠંડુ થઈ ગયું. ખેતરો માં પુષ્કળ પ્રમાણ માં પાક થયો એટલે ઉંદરો ને ખોરાક માટે ઉતમ સગવડ મળી ગઈ તે કારણ થી અહી આટલા બધા ઉંદર પેદા થઈ ગયા પરંતુ હકીકત મા ઉંદરો ક્યાંથી આવ્યા તે એક પ્રશ્ન છે.

Read More »

ખતરો / ત્રીજી લહેરમાં દરરોજ આવી શકે છે આટલા બધા નવા કેસ, IIT દિલ્હીનો આ રિપોર્ટ છે ચોંકાવનારો

ખતરો / ત્રીજી લહેરમાં દરરોજ આવી શકે છે આટલા બધા નવા કેસ, IIT દિલ્હીનો આ રિપોર્ટ છે ચોંકાવનારો

ભારત કોરોનાની બીજી લહેર સામે ઝઝૂમી રહ્યો છે. એવામાં કોરોના પર IIT દિલ્હીના રિપોર્ટે કેજરીવાલ અને કેન્દ્ર સરકારની ચિંતા વધારી છે. 

 

• IIT દિલ્હીનો ચોંકાવનારો રિપોર્ટ આવ્યો સામે
• IIT દિલ્હીના રિપોર્ટે કેજરીવાલ અને કેન્દ્ર સરકારની ચિંતા વધારી
• દિલ્હીમાં દરરોજે આવી શકે છે 45000થી વધુ કેસ 

ભારત કોરોનાની બીજી લહેર સામે ઝઝૂમી રહ્યો છે. એવામાં કોરોના પર IIT દિલ્હીના રિપોર્ટે કેજરીવાલ અને કેન્દ્ર સરકારની ચિંતા વધારી છે. આ રિપોર્ટ અનુસાર દિલ્હીમાં ત્રીજી લહેર વધુ ખતરનાક સાબિત થઈ શકે છે. આટલું જ નહીં અહીં દરરોજ 45 હજાર નવા કેસ સામે આવી શકે છે. આ ઉપરાંત દરરોજ 9000 લોકોને એડમિટ કરવા પડી શકે છે. 

IIT દિલ્હી રિવ્યૂ એન્ડ રિકમેન્ડેશન ફોર મેનેજમેન્ટ ઓફ ઓક્સિજન ડ્યૂરિંગ કોવિડ ક્રાઈસિસ ફોર GNCTD એ ત્રણ સ્થિતિઓનો ઉલ્લેખ કરતા પોતાનો રિપોર્ટ જાહેર કર્યો છે. પહેલી સ્થિતિમાં બીજી લહેર જેવી પરિસ્થિતિઓ રહેવા પર દર્દીઓની સંખ્યા, હોસ્પિટલોમાં દાખલ થનાર લોકોની સંખ્યા અને ઓક્સિજનની જરૂરીયાતનું અનુમાન લગાવવામાં આવ્યું છે. ત્યાં જ બીજી સ્થિતિ સંક્રમિતોના આંકડામાં 30% વૃદ્ધિ બાદની જરૂરિયાકો પર આધારિત છે. જ્યારે ત્રીજી સ્થિતિ નવા મામલાના 60% વધવાની છે. આ સ્થિતિમાં દરરોજ 45000 સુધી નવા કેસ મળવાનું અનુમાન છે.

944 મેટ્રિક ટન સુધી હશે ઓક્સિજનની જરૂરિયાત 
એક રિપોર્ટ અનુસાર દિલ્હી હાઈકોર્ટમાં દાખલ આ રિપોર્ટમાં કહેવામાં આવ્યુ છે કે કોરોના સામેની જંગમાં રોજ 944 મેટ્રિક ટન ઓક્સિજનની જરૂર પડે છે. દિલ્હી હાઈકોર્ટે દિલ્હી સરકાર પાસે ચાર અઠવાડિયાની અંદર આઈઆઈટી દિલ્હીની તરફથી દાખલ કરેલા રિપોર્ટ પર જવાબ માંગ્યો છે. 

ત્યાં જ હાઈકોર્ટે કહ્યું છે કે આપણે સદીમાં એક વખત આવતી મહામારીનો સામનો કરી રહ્યા છીએ. જો પુરાવાઓને જોઈએ તો છેલ્લી વખત 1920નાં આવી મહામારી આવી હતી. ઓક્સિજન મેન્યુફેક્ચરિંગ પ્લાન બનાવીને અમે લાંબી લડાઈની તૈયારીઓ કરી શકીએ છીએ. આવા સમયે IIT- દિલ્હીના પ્રોફેસર સંજય ધીરે કોર્ટને જણાવ્યું કે ત્રીજી લહેરની આશંકાને જોતા સ્ટોરેજ ક્ષમતામાં વધારો, બહારથી સપ્લાયમાં સુધાર, પ્રેશર સ્વિંગ એડસોર્પશન પ્લાન્ટ અને ક્રાયોજેનિક ઓક્સિજન ટેન્કરોની કમીને દૂર કરવી જરૂરી છે. 

Source : Vtv ન્યૂઝ

Read More »

મ્યુકરમાયકોસિસ થી ગભરાવવાની જરૂર નથી,આ દેસી ઘરેલુ ઉપચારથી ફંગસ ને મટાડી શકાય છે,જાણો.

મ્યુકરમાયકોસિસ થી ગભરાવવાની જરૂર નથી,આ દેસી ઘરેલુ ઉપચારથી ફંગસ ને મટાડી શકાય છે,જાણો.

નમસ્કાર મિત્રો આપણે જાણીએ છીએ કે આપણા દેશ માં કોરોના એ હાહાકાર મચાવ્યો હતો અને કોરોના નાં કારણે ઘણા લોકો એ જીવ પણ ગુમાવ્યા હતા. ત્યાર બાદ ફરીથી એક મહામારી એ હાહાકાર મચાવ્યો છે અને આ મહામારી નું નામ છે મ્યુકરમાયકોસિસ આ મહામારી આપણા દેશ માં ખુબ જ ઝડપથી વધી રહી છે. મ્યુકરમાયકોસિસ બીમારીમાં આપણી આંખ માં ઇન્ફેક્શન થાય છે.

આપણે જાણીએ છીએ કે આપણા દેશમાં કોરોના ની મહામારી માં પણ લોકો એ ઘરેલુ દેશી ઉપચાર કરી ને કોરોના નાં સામે રક્ષણ મેળવ્યું હતું. તેવી જ રીતે આપણે મ્યુકરમાયકોસિસ ને પણ ઘરેલુ દેસી ઉપચાર કરી ને તેની સામે રક્ષણ મેળવી સકીએ છીએ.

આપણા શાસ્ત્રોમાં પણ લખ્યું છે કે આપણે આર્યુવેદ સારવાર કરી ને કોઈ પણ રોગ સામે રક્ષણ મેળવી શકીએ છીએ. આજે આપણે વાત કરીશું કે આપણે મ્યુકરમાયકોસિસ સામે રક્ષણ મેળવવા ઘરે બેઠા કેવી રીતે રક્ષણ મેળવી શકીએ.

• હળદર અને સુંઠ

ફંગળ ને અટકાવવા આયુર્વેદ માં ઉત્તમ ઉપચાર હળદર ,લીમડો તેમજ અજમો સૂંઠ ફંગલ ને અટકાવી સકે છે. હળદર અજમાં નો નાસ હળદર સૂંઠ કડવા લીમડા નાં પાણી નાં કોગળા કરવા ગરમ પાણી માં હળદર, સૂંઠ, લીમડાના પાન નાખીને પાણી અડધો કપ રહી જાય ત્યાં સુધી ઉકાળી ને નવશેકું પાણી પીવાથી ફગલ થતું અટકાવી શકે છે. ગંધક રસાયણ , આરોગ્ય વર્ધન ની ત્રિફલા જેવી વનસ્પતિ એન્ટી ફગલ તરીકે કામ કરે છે.

વાસી કે બગડી ગયેલા ખોરાક ને સુંઘવા બગડેલી વસ્તુઓ પર ફૂગ શ્વાસનળી સાથે શરીર માં જતાં ફાંગલ ને અટકાવી શકે છે.

• પાણી ને ઉકાળ્યા બાદ નવશેકા પાણીનો અડધો કપ પીવો

આયુર્વેદિક ડોકટરોના જણાવ્યા મુજબ પાણીને પહેલા ગરમ કરવું જોઈએ અને તેમાં હળદર અને અજમો ઉમેરવા જોઈએ અને નવ સેકસ પાણી લેવું જોઈએ. હળદર અને અજમાના પાણીનો ઇન્હેલેશન ફૂગના વિકાસને રોકી શકે છે. હળદર, આદુ, કડવો લીમડાના પાણીથી કોગળા. જેના કારણે મૌખિક સ્વચ્છતા જળવાઈ રહે છે અને ફૂગથી બચી શકાય છે. શુદ્ધ પાણી ગરમ કર્યા પછી તેમાં હળદર, આદુ, કડવો લીમડાના પાન ઉમેરીને પાણી ઉકાળો, પછી નવ શેકેલા પાણીનો અડધો કપ પીવો જે ફૂગથી બચી શકે છે.

Read More »

ગુજરાત: કોરોના બાદ ‘મ્યૂકર માઈકોસિસ’ અને હવે દર્દીઓને ‘ગેંગરીન’નો ખતરો

ગુજરાત: કોરોના બાદ ‘મ્યૂકર માઈકોસિસ’ અને હવે દર્દીઓને ‘ગેંગરીન’નો ખતરો

ગાંધીનગર: કોરોના બાદ જીવલેણ મહામારી બ્લેક ફંગસ અર્થાત “મ્યૂકર માઈકોસિસ” બાદ હવે ગુજરાતમાં વધુ એક ગંભીર બીમારીનો ખતરો ઉભો થયો છે. આ રોગનું નામ છે ગેંગરીન, જેના દર્દીઓની સંખ્યામાં વધારો થઈ રહ્યો છે. ગેંગરીન એક એવો રોગ છે, જેમાં દર્દીની નસોમાં લોહીના ગઠ્ઠા જામવા લાગે છે. જેના પગલે શરીરના જે-તે અંગને કાપવાની ફરજ પડે છે.

કોરોનાની સારવાર કરાવી ચૂકેલા દર્દીઓ સાથે હવે આવી જ સમસ્યા આવી રહી છે. અમદાવાદમાં એવા કેટલાક કેસો સામે આવ્યા છે, જે હાલમાં જ કોરોનાથી સ્વસ્થ થઈ ચૂક્યાં છે. હવે તેમને હાથ-પગમાં દુ:ખાવાની ફરિયાદ છે. તાજેતરમાં ઉત્તર ગુજરાતના બનાસકાંઠા જિલ્લાના ભાભરમાં રહેતા 26 વર્ષના હીરજી લુહારને ગેંગરીન થયા બાદ તેમનો એક પગ કાપવો પડ્યો હતો.

અમદાવાદના વેસ્ક્યૂલર સર્જન ડૉ મનિષ રાવલના જણાવ્યા મુજબ, દર્દી કોરોનાથી સંક્રમિત હતો અને લગભગ બે અઠવાડિયા પહેલા જ રિકવર થયો હતો. જો કે પાછળથી અચાનક તેના પગમાં દુ:ખાવો ઉપડ્યો હતો.

આ દુ:ખાવાને દર્દીએ ગણકાર્યો નહતો, પરંતુ પાછળથી પગ સુન્ન પડી જતાં તેને હોસ્પિટલમાં ખસેડવામાં આવ્યો હતો. જો કે હોસ્પિટલમાં દાખલ થવા સુધીમાં ઘણો જ વિલંબ થઈ ચૂક્યો હતો, કારણ કે ગેંગરીન આખા પગમાં ફેલાઈ ચૂક્યું હતું. આખરે નાછૂટકે દર્દીનો જીવ બચાવવા તેનો પગ કાપવો પડ્યો.

ગેંગરીન એક એવો રોગ છે, જેમાં શરીરના કોઈ અંગમાં ગાંઠ થઈ જતાં બ્લડ સર્ક્યુલેશન રોકાઈ જાય છે. ઘણાં સમય સુધી આ સ્થિતિ રહેવા પર શરીરનું એ અંગે બહેરુ થઈ જાય છે અને એવામાં આ ભાગને શરીરથી અલગ કરવો પડે છે.

જો કે આ રોગ કોરોનાની પહેલા આવેલો છે અને તેનો ખતરો મુખ્યત્વે ડાયાબિટીશના દર્દીઓને વધારે હોય છે. જ્યારે સુગર લાંબા સમય સુધી અનિયંત્રિત રહે છે, તો શરીના કોઈ પણ અંગ પર ગેંગરીન થઈ શકે છે.

Source : ગુજરાત એક્સક્લુસીવ

 

Read More »

મહામારી / દેશમાં ત્રીજી લહેરની દસ્તકથી દહેશત : આ રાજ્યમાં 341 બાળકો કોરોના પોઝિટિવ થતાં ખળભળાટ

મહામારી / દેશમાં ત્રીજી લહેરની દસ્તકથી દહેશત : આ રાજ્યમાં 341 બાળકો કોરોના પોઝિટિવ થતાં ખળભળાટ

રાજસ્થાનના દૌસમાં 341 બાળકો કોરોના પોઝિટીવ નીકળતાં હડકંપ મચ્યો છે.

• રાજસ્થાનના દૌસમાં કોરોનાની ત્રીજી લહેરથી દહેશત 
• દોસામાં 341 બાળકો કોરોના પોઝિટીવ 
• કોરોનાગ્રસ્ત તમામ બાળકોની ઉંમર 0 થી 18 વર્ષ 
• સદનસીબે એક પણ બાળક ગંભીર  નહીં 

કોરોનાની બીજી લહેરનો કેર હજુ તો શાંત પડ્યો નથી. ત્યાં તો ત્રીજી લહેરની દસ્તકથી ખળભળાટ મચ્યો છે.

રાજસ્થાનના દોસોમાં 341 બાળકોનો કોરોના રિપોર્ટ પોઝિટીવ આવ્યો છે. આ તમામ બાળકોની વય 0 થી 18 વર્ષની છે. દોસામાં 1 મે થી 21 મેની વચ્ચે 341 બાળકો કોરોના સંક્રમિત મળ્યાં છે. દોસા જિલ્લાધિકારીએ જણાવ્યું કે 341 બાળકોનો કોરોના રિપોર્ટ પોઝિટીવ આવ્યો છે. પરંતુ તેમાં કોઈ ગંભીર નથી. હાલમાં કોવિડની ત્રીજી લહેરની સંભાવનાને ધ્યાનમાં રાખીને જિલ્લા હોસ્પિટલને એલર્ટ કરી દેવાઈ છે. 

પ્રાણીઓમાંથી માણસોમાં આવ્યો વાયરસ 
ઘણા સમય પહેલા મલેશિયામાં 8 બાળકો બીમાર થયા, આ બાળકોને ન્યુમોનિયા થયો હતો. જ્યારે હોસ્પિટલમાં તેમના સેમ્પલ તપાસવામાં આવ્યા તો તેમાં કોરોનાના બે નવા વાયરસ આવ્યાનો ખુલાસો થયો. જેના કારણે તેઓ સંક્રમણનો ભોગ બન્યા હતા. આ વાયરસ કુતરાઓમાં જોવા મળે છે. આ જાણકારી એક રિપોર્ટમાં સામે આવી છે. કોરોના આવ્યા પહેલા માત્ર સાત પ્રકારના વાયરસ વિશે લોકો જાણતા હતા. તો હવે જ્યારે નવો કોરોના વાયરસ સામે આવ્યો છે ત્યારે તો આ પ્રાણીઓમાંથી માણસોમાં આવ્યો છે. આ ઘટના ઘણા સમય પહેલાંની છે પણ તેમ છતાં લોકો માટે ખતરારૂપ બની શકે છે.

કોરોના વાયરસના નામ CANINELIKE અને FELINE
ઘણા એક્સપર્ટ તેના પર રિસર્ચ કરી રહ્યા છે. તેનાથી હજુ પણ એ જાણી શકાય છે કે કોરોના વાયરસ એક પ્રજાતિમાંથી બીજી પ્રજાતિમાં પ્રવેશ કરી શકે છે. આ કોરોના વાયરસના નામ CANINELIKE અને FELINE છે. હજી સુધી આ વાયરસ દ્વારા સંક્રમણ ફેલાયું છે તેવી ખબર તો આવી છે પણ એક વ્યક્તિથી બીજા વ્યક્તિમાં આ વાયરસ ગયો હોય તેવી કોઈ જાણકારી મળી નથી. બીજા ઘણા વૈજ્ઞાનિકોનું માનવું છે કે વાયરસ માણસમાં અને બીજા કોઈપણ જીવમાં મ્યુટેટ કરવાની ક્ષમતા રાખે છે. તે પોતાને વધારવાની ક્ષમતા પણ ધરાવે છે. મલેશિયામાં એક દર્દીમાં ચાર કોરોના વાયરસ જોવા મળ્યા હતા. જેમાંથી બે વાયરસ તો માત્ર કૂટરમાં જોવા મળે છે. બિલાડી અને ભૂંડમાં પણ આ ક્રમશ ત્રીજા અને ચોથા નંબરના વાયરસ જોવા મળે છે. આ દર્દીમાં આ ચાર પ્રકાર વાયરસ જોવા મળ્યા હતા.

Source : Vtv ન્યૂઝ 

Read More »

ચિંતાજનક / મગજમાં બ્લેક ફંગસ દેખાયાનો પ્રથમ કિસ્સો : ગુજરાતનો યુવાન કોરોના સામે જીત્યો પણ બીજી મહામારીએ જીવ લીધો

ચિંતાજનક / મગજમાં બ્લેક ફંગસ દેખાયાનો પ્રથમ કિસ્સો : ગુજરાતનો યુવાન કોરોના સામે જીત્યો પણ બીજી મહામારીએ જીવ લીધો

કોરોના બાદ વધુ એક મહામારી ગુજરાતના લોકોને પોતાનો શિકાર બનાવી રહી છે ત્યારે સુરતમાં એક યુવકના સીધા મગજમાં જ બ્લેક ફંગસ જોવા મળી છે.

• સુરતમાં બ્લેક ફંગસની બીમારીના નવા લક્ષણો દેખાયા
• કોસંબાના યુવાનમાં સીધી જ મગજમાં બ્લેક ફંગસ દેખાઇ
• સુરતમાં યુવકના ઓપરેશન બાદ થયું મૃત્યુ

ગુજરાતમાં કોરોના બાદ બ્લેક ફંગસના કેસમાં વધારો

ગુજરાત સહિત આખો દેશ કોરોના વાયરસની બીજી લહેરનો સામનો કરી રહ્યો છે ત્યાં કોરોના વાયરસ જેવી મહામારી સામે લડી રહેલા દેશમાં વધુ એક મહામારી લોકોના જીવ લઈ રહી છે. બ્લેક ફંગસ ભારતના લોકો પર કાળો કહેર વર્તાવી રહી છે. આખા દેશમાં બ્લેક ફંગસના કેસ મામલે ગુજરાત મહારાષ્ટ્ર બાદ બીજા સ્થાન પર છે ત્યારે સુરતથી આ બીમારી માટે ચિંતાજનક સમાચાર સામે આવ્યા છે. 

સુરતથી બ્લેક ફંગસને લઇ આવ્યા ચિંતાજનક સમાચાર

ગુજરાતમાં સતત વધી રહેલા બ્લેક ફંગસના કેસની વચ્ચે સુરતમાં બીમારી સીધી મગજમાં દેખાઈ છે. સુરતના યુવકના મગજમાં બ્લેક ફંગસ દેખાઈ અને તે બાદ તે યુવકનો જીવ બચાવવા માટે મગજનું ઓપરેશન કરવામાં આવ્યું પરંતુ તેનો જીવ બચાવી ન શકાયો. 

બ્લેક ફંગસમાં મગજમાં બ્લેક ફંગસ દેખાયાનો પ્રથમ કિસ્સો

કોરોના વાયરસથી પીડાતા યુવકે એક મહામારીને લડત આપી અને ચોથી મેના રોજ યુવકને ડિસ્ચાર્જ કરવામાં આવ્યો પરંતુ બીજી મહામારીએ યુવકનો જીવ છીનવી લીધો. આઠમી મેના રોજ યુવકને ખેંચ આવી અને તે બાદ તેને ફરી હોસ્પિટલમાં દાખલ કરવામાં આવ્યો. બ્લેક ફંગસ મગજમાં દેખાઈ હોય તેવો આ પ્રથમ કિસ્સો છે. ન્યૂરો સર્જરીના માધ્યમથી યુવકના મગજની ગાંઠને દૂર કરવામાં આવી હતી પરંતુ કોસંબાનો યુવાન મોત સામેની જંગ હારી ગયો. 

ભારતમાં બ્લેક ફંગસના વધતાં કેસ 

ભારત કોરોના વાયરસ સામે જંગ લડી રહ્યો છે, અપાર અવ્યવસ્થાના કારણે લાખો ભારતીયોને ઘણું બધુ સહન કરવું પડ્યું છે ત્યાં બીજી એક મોટી આફતે ભારતનું ટેન્શન વધાર્યુ છે. દેશમાં બ્લેક ફંગસના કેસ ખૂબ તેજીથી વધી રહ્યા છે. દેશભરમાં આ બીમારીના અત્યાર સુધીમાં 7 હજારથી વધારે કેસ સામે આવ્યા છે જ્યારે 200 લોકોએ પોતાના જીવ ગુમાવ્યા છે. કેન્દ્ર સરકાર દ્વારા બ્લેક ફંગસને મહામારી જાહેર કરવા માટે રાજ્યોને આદેશ આપી દેવામાં આવ્યા છે. 

બીજા ક્રમ પર છે ગુજરાત 

ગુજરાત માટે ચિંતાની વાત કહી શકાય કે દેશમાં બ્લેક ફંગસના કેસ મામે ગુજરાત મહારાષ્ટ્ર બાદ બીજા ક્રમ પર છે. મહારાષ્ટ્રમાં બ્લેક ફંગસના કારણે સૌથી વધારે મોત થયા છે. ગુજરાતમાં કુલ 1163 કેસ તથા 63 દર્દીઓએ પોતાના જીવ ગુમાવ્યા છે જ્યારે રાજસ્થાન 700 તો મધ્યપ્રદેશમાં 575 કેસ સામે આવ્યા છે. 

વધુ પડતાં સ્ટીરોઇડના કારણે આ બીમારી ફેલાતી હોવાની આશંકા 

કોરોના વાયરસ સામે લડતા દેશ માટે ખૂબ જ ચિંતાજનક બાબત છે કે હવે અન્ય એક મહામારી લોકોના જીવ લઈ રહી છે. તબીબી એક્સપર્ટનું માનવું છે કે વધુ પડતાં સ્ટીરોઇડના ઉપયોગના કારણે બ્લેક ફંગસ થઈ રૂય છે. કોરોનાની સારવાર બાદ જ આ કેસ સામે આવી રહ્યા છે ત્યારે રાજસ્થાન સરકાર દ્વારા તેની મફત સારવાર માટે નિર્ણય લેવામાં આવ્યો છે અને ખાનગી હોસ્પિટલો માટે પણ સરકારે સારવારની કિંમત નક્કી કરી દીધી છે. ગુજરાત સહિતના ઘણા રાજ્યોએ બ્લેક ફંગસને એક મહામારી જાહેર કરી દીધી છે.

Source : Vtv ન્યૂઝ

Read More »

નવી ગાઈડલાઈન : કોરોના 10 મીટર અંતરથી પણ ફેલાઈ શકે છે, પંખા લગાવીને આ રાખો ખાસ ધ્યાન

નવી ગાઈડલાઈન : કોરોના 10 મીટર અંતરથી પણ ફેલાઈ શકે છે, પંખા લગાવીને આ રાખો ખાસ ધ્યાન

કોરોનાની બીજી લહેર પતે અને ત્રીજી લહેરને આવતા અટકાવી શકાય તે માટે કેન્દ્ર સરકાર દ્વારા કોરોનાની નવી ગાઈડલાઇન બહાર પાડવામાં આવી છે.

• કેન્દ્ર સરકાર દ્વારા કોરોનાની નવી ગાઈડલાઇન
• 10 મીટર દૂર સુધી સંક્રમણનો ભય
• વેન્ટિલેશન વધવાથી કોરોના ફેલાવવાનો ખતરો ઓછો

કેન્દ્ર સરકાર દ્વારા કોરોનાની નવી ગાઈડલાઇન
કોરોનાની બીજી લહેર પતે અને ત્રીજી લહેરને આવતા અટકાવી શકાય તે માટે કેન્દ્ર સરકાર દ્વારા કોરોનાની નવી ગાઈડલાઇન બહાર પાડવામાં આવી છે. જેમાં કહ્યું છે કે કોરોનાનો દર્દી પોતાનાથી 10 મીટર સુધીના અંતરમાં સંક્રમણ ફેલાવી શકે છે. આ ગાઈડલાઇનમાં રૂમમાં, ઓફિસોમાં અને બીજી ઘણી જગ્યા પર વેન્ટિલેશન વધારવાની સલાહ આપવામાં આવી છે. 

10 મીટર દૂર સુધી સંક્રમણનો ભય 
કેન્દ્રના મુખ્ય વૈજ્ઞાનિક સલાહકારના જણાવ્યા અનુસાર, કોઈ પણ કોરોના સંક્રમિત દર્દીની લાળ, નેજલ ડિસ્ચાર્જ, ડ્રૉપલેટ અને એયરોસોલના રૂપે કોરોનાનું સંક્રમણ ફેલાય છે તે મુખ્ય કારણ છે. ડ્રૉપલેટ જ્યાં 2 મીટર સુધી જઈ એક જગ્યા પર બેસી જાય છે અને એયરોસોલ 10 મીટર સુધી હવામાં ફેલાઈ શકે છે. એટલે જ કોરોનાના નિયમોનું ચુસ્તપણે પાલન કરવાની સલાહ આપવામાં આવી છે. સાથે સાથે એ પણ કહેવામાં આવ્યું છે કે માસ્ક, સેનેટાઈઝર, સોશ્યલ ડિસ્ટનસિંગની સાથે સાથે વેન્ટિલેશન જેવી સામાન્ય બાબતોનું પણ ધ્યાન રાખીને જ આપણે મહામારીમાંથી બહાર આવીશું. ગાઈડલાઇનમાં કહ્યું છે કે શહેર અને ગામડાના ઘરમાં, ઑફિસ અને બીજા જાહેર સ્થળો પર ઝડપથી વેન્ટિલેશન કરવું જરૂરી છે. ઘરમાં, ઑફિસ અને સેન્ટ્રલાઇઝ્ડ બિલ્ડીંગોમાં પંખા લગાવી, દરવાજા અને બારીઓ ખોલી, હવાની અવર જવર વધારવાની વાત કરી છે. 

વેન્ટિલેશન વધવાથી કોરોના ફેલાવવાનો ખતરો ઓછો
વૈજ્ઞાનિક સલાહકારના જણાવ્યા અનુસાર કોઈ પણ કોરોના દર્દીના બોલવા સમયે, હસવા સમયે, ઉધરસ સમયે જે ડ્રૉપલેટ કે એયરોસૉલ નીકળે છે, તે જ વાયરસ ટ્રાન્સમિશનનું મુખ્ય કારણ બને છે. જે રીતે કોઈ પણ જગ્યા પર હવાની અવર જવર વધવાથી ત્યાંની દુર્ગંધ જતી રહે છે તે જ રીતે કોઈ પણ જગ્યાએ વેન્ટિલેશન વધવાથી કોરોના ફેલાવવાનો ખતરો ઓછો થઈ જાય છે. 

મહામારી / સાવધાન ! AC અને કૂલર પણ કોરોનાને ફેલાવી શકે છે, કેન્દ્ર સરકારની નવી ગાઈડલાઈનમાં ચેતવણી

કેન્દ્ર સરકારે ગાઈડલાઈન જારી કરીને એરોસોલ અને ડ્રોપલેટ્સને કોરોના ફેલાવા પાછળના મુખ્ય કારણ ગણાવ્યાં છે.

• કોરોનાના ફેલાવા પર કેન્દ્ર સરકારની નવી ગાઈડલાઈન
• એરોસોલ અને ડ્રોપલેટ્સથી પણ કોરોના ફેલાઈ શકે છે
• છીંક કે ખાંસી કોરોનાને 10 મીટર દૂર લઈ જઈ શકે છે 

છીંક કે ખાંસી વખતે નીકળેલા છાંટામાંથી વાયરસ 10 મીટર દૂર જઈ શકે છે

કેન્દ્ર સરકારના મુખ્ય વૈજ્ઞાનિક સલાહકારોએ એક એડવાઈઝરી જારી કરીને જણાવ્યું કે કોઈ વ્યક્તિ જ્યારે છીંકે અથવા ખાંસી લેતો હોય ત્યારે તેમાંથી જે નાના અને થોડા છાંટા ઉડે છે તેમાંથી વાયરસ 10 મીટર સુધી દૂર ફેલાતો હોય છે. તેનાથી બીજા લોકોને પણ ચેપ લાગે છે. 

વાયરસથી સંક્રમિત વ્યક્તિની લાળમાંથી કોરોના ફેલાઈ શકે છે 
કેન્દ્ર સરકારના દિશાનિર્દેશો અનુસાર, વાયરસથી સંક્રમિત વ્યક્તિની લાળ અને નાકમાંથી નીકળેલા ડ્રોપલેટ્સ તથા એરોસેલ, વાયરસ સંક્રમણની પ્રાથમિક રીતે છે. સરકાર દ્વારા નિર્ધારીત ગાઈડલાઈનમાં કહેવાયું કે લક્ષણો વગરનો એક માણસ પણ કોરોનાનો ફેલાવો કરી શકે છે.

એસી અને કૂલરના ઉપયોગથી પણ કોરોના ફેલાઈ શકે 
કેન્દ્ર સરકારે ગાઈડલાઈનમાં જણાવ્યું કે જે રુમમાં વેન્ટિલેશનનો અભાવ હોય અથવા તો વધારે એસી અને કૂલરના ઉપયોગથી પણ કોરોનાના ફેલાવાનો ખતરો વધી જતો હોય છે. 

10 મીટર દૂર સુધી સંક્રમણનો ભય 
કેન્દ્રના મુખ્ય વૈજ્ઞાનિક સલાહકારના જણાવ્યા અનુસાર, કોઈ પણ કોરોના સંક્રમિત દર્દીની લાળ, નેજલ ડિસ્ચાર્જ, ડ્રૉપલેટ અને એયરોસોલના રૂપે કોરોનાનું સંક્રમણ ફેલાય છે તે મુખ્ય કારણ છે. ડ્રૉપલેટ જ્યાં 2 મીટર સુધી જઈ એક જગ્યા પર બેસી જાય છે અને એયરોસોલ 10 મીટર સુધી હવામાં ફેલાઈ શકે છે. એટલે જ કોરોનાના નિયમોનું ચુસ્તપણે પાલન કરવાની સલાહ આપવામાં આવી છે. સાથે સાથે એ પણ કહેવામાં આવ્યું છે કે માસ્ક, સેનેટાઈઝર, સોશ્યલ ડિસ્ટનસિંગની સાથે સાથે વેન્ટિલેશન જેવી સામાન્ય બાબતોનું પણ ધ્યાન રાખીને જ આપણે મહામારીમાંથી બહાર આવીશું. ગાઈડલાઇનમાં કહ્યું છે કે શહેર અને ગામડાના ઘરમાં, ઑફિસ અને બીજા જાહેર સ્થળો પર ઝડપથી વેન્ટિલેશન કરવું જરૂરી છે. ઘરમાં, ઑફિસ અને સેન્ટ્રલાઇઝ્ડ બિલ્ડીંગોમાં પંખા લગાવી, દરવાજા અને બારીઓ ખોલી, હવાની અવર જવર વધારવાની વાત કરી છે. 

વેન્ટિલેશન વધવાથી કોરોના ફેલાવવાનો ખતરો ઓછો
વૈજ્ઞાનિક સલાહકારના જણાવ્યા અનુસાર કોઈ પણ કોરોના દર્દીના બોલવા સમયે, હસવા સમયે, ઉધરસ સમયે જે ડ્રૉપલેટ કે એયરોસૉલ નીકળે છે, તે જ વાયરસ ટ્રાન્સમિશનનું મુખ્ય કારણ બને છે. જે રીતે કોઈ પણ જગ્યા પર હવાની અવર જવર વધવાથી ત્યાંની દુર્ગંધ જતી રહે છે તે જ રીતે કોઈ પણ જગ્યાએ વેન્ટિલેશન વધવાથી કોરોના ફેલાવવાનો ખતરો ઓછો થઈ જાય છે. 

Source : Vtv ન્યૂઝ

Read More »

ગુજરાતમાં તૌકતેની તબાહી / જાણો કુલ કેટલા કરોડનું થયું નુકસાન, સૌથી વધુ પ્રભાવિત ઊર્જા ક્ષેત્ર

ગુજરાતમાં તૌકતેની તબાહી / જાણો કુલ કેટલા કરોડનું થયું નુકસાન, સૌથી વધુ પ્રભાવિત ઊર્જા ક્ષેત્ર

ગુજરાતમાં તૌકતેએ સર્જેલા વિનાશથી થયું ભારે નુકસાન

• ગુજરાતમાં વાવાઝોડા હજારો કરોડનું નુકસાન

• વાવાઝોડાથી રાજ્યમાં 3000 કરોડનું નુકસાન

• કૃષિ,ઉર્જા અને માર્ગ મકાન સેક્ટરમાં મોટુ નુકસાન

• ઉર્જા સેક્ટરમાં અંદાજિત 1400 કરોડનુ નુકસાન

• કૃષિ ક્ષેત્રમાં 1200 કરોડના નુકસાનનો અંદાજ

• કેરીના પાકમાં અંદાજે 60 કરોડનું નુકસાન

ગુજરાતમાંથી વાવઝોડુ આગળ વધીને હવે રાજસ્થાન તરફ વળ્યુ છે. ત્યારે ગુજરાતમાં વાવાઝોડાએ વિનાશ સર્જતા હજારો કરોડોનું નુકસાન કર્યું છે. રાજ્યમાં વાવાઝોડાના કારણે થયેલા નુકસાનને લઈને ડિઝાસ્ટર વિભાગ દ્વારા પ્રાથમિક સર્વેનો ડેટા જાહેર કરવામાં આવ્યો છે. જેમાં રાજ્યમાં 3000 કરોડનું નુકસાન થયું હોવાનું કહેવામાં આવ્યું છે. સાથે જ કૃષિ, ઉર્જા અને માર્ગ મકાન સેક્ટરમાં મોટુ નુકસાન થયું છે. ઉર્જા સેક્ટરમાં અંદાજે 1400 કરોડનું નુકસાન થયું છે. ત્યારે કૃષિ ક્ષેત્રમાં 1200 કરોડના નુકસાનનો અંદાજો લગાવવામાં આવ્યો છે. વાવાઝોડાએ કેરીના પાકને ખૂબ નુકસાન પહોંચાડ્યું છે. સૌરાષ્ટ્રમાં 13800 હેક્ટરમાં આવેલા આંબાના વૃક્ષો વાવાઝોડાની ઝપેટમાં આવતા 60 કરોડનું નુકસાન થયું છે. રોડ અને બિલ્ડીંગ ક્ષેત્રમાં અંદાજે 50 કરોડનું નુકસાન થયુ છે જ્યારે અન્ય ક્ષેત્રોમાં 350 કરોડના નુકસાનનો અંદાજ લગાવવામાં આવ્યો છે.

 

તૌકતે વાવાઝોડાથી ગુજરાતમાં જાનમાલની નુકસાની

તૌકતે વાવાઝોડાએ ગુજરાતમાં જે વિનાશ સર્જો તેમાં જાનમાલનું પણ નુકશાન થયું છે. ગુજરાતમાં વાવાઝોડાના કારણે કુલ 45 લોકોના મોત થયા છે. અનેક જગ્યાએ મકાનો, વૃક્ષો, વીજપોલ ધરાશાયી થયા છે. જ્યારે અનેક પશુઓના પણ મોત થયા છે.

 

મહેસૂલ મંત્રીએ સર્વેની કામગીરી વિષે કહી આ વાત

તૌકતેને લઈને થયેલા નુકસાન પર સર્વે કરવામાં આવી રહ્યો છે. જેમાં મહેસૂલ મંત્રીએ સર્વેની કામગીરી ઝડપી પૂર્ણ કરવા આદેશ આપ્યા છે. તેમણે કહ્યું કે તે કલેક્ટર સાથે સતત સંપર્કમાં છે અને નુકસાન અંગેના સર્વેની કામગીરી ઝડપથી પૂર્ણ થઈ જશે.

 

ઉનાળુ પાકને નુકસાન

ગુજરાતમાં આવેલા વાવાઝોડાને લઇ મુખ્યમંત્રી રૂપાણીએ મહત્વની જાહેરાત કરી છે. કહ્યું કે વાવાઝોડાને કારણે ઉનાળુ પાક ખાસ કરીને તલ, બાજરી, મગ પ્રકારના પાકોને નુકસાન થયું છે. બાગાયતી પાક ખાસ કરીને કેરી, નારિયેળીમાં નુકસાન થયું છે. કાચા મકાન, ઝુપડાઓ પડી ગયા છે. મકાનો ક્ષતિગ્રસ્ત થયા છે. પશુઓનાં મોત નિપજ્યા છે તેના માટેની સહાયતા છે. કેશ ડોલ્સ જે લોકોને સ્થળાંતર કર્યાં તેમને આપવામાં આવી છે. કાચા મકાન ઝુપડાઓનું તૂટી જવું અને ખેતીવાડીમાં જે નુકસાન અને પશુઓનાં નુકસાન થયા છે તેના સર્વેના આધારે સરકાર સહાયતા ચૂકવશે. સરકાર આ અંગે નિર્ણય કરશે. મત્સ્ય બંદરો, માછીમારોના નુકસાનનો પણ સર્વે કરવામાં આવશે. કેશ ડોલ્સ અને ઘરવખરી ચૂકવવામાં આવશે. પશુપાલકોને સહાયતા ચૂકવવામાં આવશે.વધુમાં કહ્યું કે વાવાઝોડાને કારણે 69 હજાર 429 વીજ થાંભલા તૂટી ગયા છે. 81 હજારથી વધુ થાંભલાઓ સરકાર પાસે ઉપલબ્ધ છે. અને આ થાંભલાઓ રિપ્લેસ કરવામાં આવશે. સૌરાષ્ટ્રમાં સૌથી વધુ અસર થઈ છે. 425 કોવિડ હોસ્પિટલ પૈકી 122 હોસ્પિટલ અસરગ્રસ્ત વિસ્તારમાં વીજ પુરવઠો ખોરવાયો હતો. અને 83 હોસ્પિટલમાં પુરવઠો ચાલુ કરી દીધો છે. 39 હોસ્પિટલમાં કામ ચાલુ છે.

Source : Vtv News

Read More »

વધુ એક વાવાઝોડું કતારમાં: તાઉ-તે હજી ગયું નથી અને બંગાળની ખાડીમાં શરૂ થયું વધુ એક લો-પ્રેશર વાવાઝોડું, 26મીએ ભુવનેશ્વર ત્રાટકશે

વધુ એક વાવાઝોડું કતારમાં: તાઉ-તે હજી ગયું નથી અને બંગાળની ખાડીમાં શરૂ થયું વધુ એક લો-પ્રેશર વાવાઝોડું, 26મીએ ભુવનેશ્વર ત્રાટકશે

વીન્ડી વેબસાઈટ પ્રમાણે આ લો-પ્રેશર સિસ્ટમ 26મી મેના રોજ ભુવનેશ્વર ત્રાટકશે

અરબ સમુદ્રમાંથી શરૂ થયેલા તાઉ-તે વાવાઝોડાએ મહારાષ્ટ્ર, ગુજરાત અને રાજસ્થાનના ઘણાં જિલ્લાઓને હચમચાવી દીધા છે. આ વાવાઝોડામાં જાનહાની ઓછી થઈ છે પરંતુ આર્થિક નુકસાન કરોડોનું થયું છે. તાઉ-તે વાવાઝોડું હજી આજે રાજસ્થાન પહોંચ્યું છે. એટલે કે હજી તાઉ-તે વાવાઝોડું સંપૂર્ણ રીતે શાંત પણ પણ નથી થયું ત્યાં બંગાળની ખાડીમાં વધુ એક લો-પ્રેશર વાવાઝોડું સર્જાઈ રહ્યું છે. આ વાવાઝોડાની અસર 23 મેથી શરૂ થશે અને 26 મે સુધીમાં ઓરિસ્સાના ભુવનેશ્વરમાં ત્રાટકશે તેવી હવામાન વિભાગ દ્વારા આગાહી કરવામાં આવી છે.

IMDની આગાહી

ધી ઈન્ડિયન મેટ્રોલોજીકલ ડિપાર્ટમેન્ટ (IMD)ના સીનિયર અધિકારી એચ.આર. બિસ્વાસ દ્વારા જણાવવામાં આવ્યું છે કે, આ સપ્તાહના અંતમાં દક્ષિણ બંગાળની ખાડીમાં વધુ એક લો-પ્રેશર સિસ્ટમ સર્જાઈ રહી છે. આ સિસ્ટમની અસર 23 મેથી જોવા મળશે. આઈએમડી વિભાગ અત્યારે સતત આ નવી સર્જાતી લો-પ્રેશર સિસ્ટમ પર નજર રાખી રહ્યા છે. આ વાવાઝોડું 26 મેના રોજ ઓરિસ્સાના ભુવનેશ્વરમાં ત્રાટકશે તેવી શક્યતા છે. જોકે હજી આ વાવાઝોડાનું કોઈ નામ જાહેર કરવામાં આવ્યું નથી.

તાઉ-તે વાવાોઝોડાની સિસ્ટમ અરબી સમુદ્રમાં સર્જાઈ હતી. 16 મેના રોજ તાઉ-તે મજબૂત રીતે મુંબઈ તરફ આગળ વધ્યું હતું અને 17 તારીખે બપોર પછી જ ગુજરાતમાં તેની અસર દેખાવા લાગી હતી. ગુજરાતમાં વેરાવળ, ઉના, ભાવનગર, મહુવા અને અમદાવાદમાં તાઉ-તે વાવાઝોડાના કારણે ઘણી તારાજી પણ જોવા મળી હતી. 18 તારીખે મોડી સાંજથી તાઉ-તે રાજસ્થાન તરફ આગળ વધ્યું છે. 17-18 તારીક દરમિયાન અને મુંબઈ અને ગુજરાતના ઘણાં શહેરોમાં ભારેથી અતિભારે વરસાદ પણ જોવા મળ્યો હતો.

તાઉ-તેએ ગુજરાતમાં ઘણી તારાજી સર્જી

વાવાઝોડું તીવ્ર કેવી રીતે બને છે?

• કોઈપણ ઉષ્ણકટિબંધીય વાવાઝોડાંને જીવંત રાખવા માટે ઊર્જાની જરૂર હોય છે. આ ઊર્જા સામાન્ય રીતે સમુદ્રની સપાટી પર રહેલા ગરમ પાણી અને બાષ્પ દ્વારા ઉત્પન્ન થાય છે. અત્યારે 50 મીટર ઊંડાઈ સુધી સમુદ્રનું પાણી ગરમ છે, જે આ ચક્રવાતને ઊર્જા પૂરી પાડવા માટે સક્ષમ છે. આ પ્રકારનું વાતાવરણ જ તાઉ-તે વાવાઝોડાંને ગતિ પૂરી પાડે છે.
• પાણીની વરાળનાં ઘનીકરણ દ્વારા વધુ ગરમી પ્રકાશિત થાય છે, જેના કારણે વાતાવરણનાં દબાણમાં પણ ઘટાડો નોંધાય છે. ચક્રવાતનું સર્જન નીચા દબાણની પ્રણાલી અને તેની તીવ્રતાનાં અનેક તબક્કાઓમાંથી પસાર થયા પછી થાય છે.
• સામાન્ય રીતે, ઉત્તર હિંદ મહાસાગર ક્ષેત્રમાં ઉષ્ણકટિબંધીય વાવાઝોડું (બંગાળની ખાડી અને અરબી સમુદ્ર) ચોમાસાની પહેલા અને પછીના સમયગાળા દરમિયાન ફુંકાય છે. જે મુખ્યત્વે ઓક્ટોબર અને ડિસેમ્બર મહિનાનાં સમય દરમિયાન પરિણમે છે. ભારતીય દરિયાકિનારાઓને પ્રભાવિત કરતા વાવાઝોડાં મુખ્યત્વે મે-જૂન અને ઓક્ટોબર-નવેમ્બર વચ્ચેનાં સમયગાળા દરમિયાન ફુંકાય છે.

શું અરબી સમુદ્ર વાવાઝોડાનો હબ બની રહ્યો છે?
વાર્ષિક અભ્યાસને ધ્યાનમાં લઈએ તો બંગાળની ખાડી અને અરબી સમુદ્રમાં સરેરાશ સ્વરૂપે 5 વાવાઝોડાંનું સર્જન થતું રહેતું હોય છે. જેમાથી બંગાળની ખાડીમાં 4 ચક્રવાત ઉત્પન્ન થયા છે અને તે અરબી સમુદ્ર કરતા વધુ તીવ્ર અને ગરમ હોય છે. અરબી સમુદ્રમાં જે વાવાઝોડું ઉત્પન્ન થાય છે તે સામાન્ય રીતે લક્ષદ્વીપ વિસ્તાર અને મોટાભાગે પશ્ચિમ દિશામાં અથવા ભારતના પશ્ચિમી દરિયાકાંઠેથી પસાર થાય છે.
જોકે તાજેતરનાં વર્ષોમાં હવામાન શાસ્ત્રીએ અભ્યાસ કર્યો તેમાં જાણવા મળ્યું હતું કે ગ્લોબલ વોર્મિંગને કારણે હવે અરબી સમુદ્ર પણ ગરમ થઈ રહ્યો છે.

ગ્લોબલ વોર્મિંગના કારણે વાવાઝોડાની સંખ્યા વધી રહી છે

શું તાઉ-તે વાવાઝોડું એક ટ્રેન્ડ સેટર છે?
ચોમાસાનાં પૂર્વગાળા (એપ્રિલ-જૂન)માં અરબી સમુદ્રમાં સતત ચાર વર્ષથી વાવાઝોડું ફૂંકાવવાની ઘટના પ્રકાશમાં આવતી રહે છે. 2018 પછી જેટલા પણ વાવાઝાડાં ફૂંકાયા છે તે 'ગંભીર ચક્રવાત' અથવા તો એનાથી પણ વધુ પ્રચંડ અને વિનાશક નોંધવામાં આવ્યા છે. તાઉ-તે વાવાઝોડું જો કિનારા સુધી પહોંચ્યું તો ગુજરાત અને મહારાષ્ટ્રનાં વિવિધ દરિયાકિનારે આવેલા પ્રદેશો પર પ્રભાવ પાડી શકે છે.

ટાઈમ લાઈન
2018: મેકુનુ વાવાઝાડાંએ ઓમાનને પ્રભાવિત કર્યું હતું
2019: ગુજરાતમાં વાયુ વાવાઝોડું ફુંકાયું હતું.
2020: મહારાષ્ટ્રને નિસર્ગ વાવાઝોડાંએ પ્રભાવિત કર્યું હતું.

Source : દિવ્યભાસ્કર ન્યૂઝ રિપોર્ટ

Read More »

નિર્ણય / હવે આ તારીખ સુધી લંબાઈ શકે છે ગુજરાતમાં લાગુ પ્રતિબંધો, કોર કમિટીની બેઠકમાં લેવાશે નિર્ણય

નિર્ણય / હવે આ તારીખ સુધી લંબાઈ શકે છે ગુજરાતમાં લાગુ પ્રતિબંધો, કોર કમિટીની બેઠકમાં લેવાશે નિર્ણય

ગુજરાતમાં કોરોના વાયરસની બીજી લહેરમાં કેસમાં અત્યારે ઘટાડો સામે આવી રહ્યો છે ત્યાં રાજ્ય સરકાર રાજ્યમાં લાગુ પ્રતિબંધોને હજુ લંબાવી શકે છે.

• રાજ્યમાં વધુ 7 દિવસ લંબાઇ શકે છે કર્ફ્યૂ
• 25 મે સુધી કર્ફ્યૂ લંબાવવાની વિચારણા
• કોર કમિટિની બેઠકમાં કર્ફ્યૂ મુદ્દે નિર્ણય લેવાશે

રાજ્યમાં લાદેલા કર્ફ્યૂની અવધિમાં વધારો થવાની શક્યતા
ગુજરાત સહિત આખો દેશ કોરોના વાયરસના સંકટથી પસાર થઈ રહ્યો છે ત્યારે હાલમાં કોરોના વાયરસના કેસમાં ઉત્તરોતર ઘટાડો સામે આવી રહ્યો છે. આ ઘટાડા વચ્ચે હવે ગુજરાતમાં લાગુ કરવામાં આવેલા પ્રતિબંધોની અવધિ સમાપ્ત થવા જઈ રહી છે ત્યારે સૂત્રો અનુસાર રાજ્યમાં લાગુ કર્ફ્યૂ સહિતના પ્રતિબંધો હજુ પણ સપ્તાહ સુધી લંબાવી દેવામાં આવે તેવી શક્યતા છે. 

25 મે સુધી કર્ફ્યૂ લંબાવવાની સરકારની વિચારણા
ગુજરાતમાં કોરોના વાયરસના કેસ ભલે ઓછા થઈ રહ્યા હોય પરંતુ ખતરો હજુ ટળ્યો નથી તેના કારણે રાજ્યમાં લાદવામાં આવેલા નાઈટ કર્ફ્યૂ તથા દિવસ માટેની ગાઈડલાઇન સહિતના પ્રતિબંધો 25 મે સુધી લંબાવી દેવામાં આવે તેવી સરકારમાં વિચારણા ચાલુ હોવાની માહિતી સામે આવી રહી છે.  રાજ્યમાં બીજી લહેરમાં કોઈ પણ રિસ્ક ન લેવાના અભિગમ સાથે પ્રતિબંધોને થોડા હજુ લાંબા કરી શકે છે. 

કોર કમિટિની બેઠકમાં કર્ફ્યૂ મુદ્દે નિર્ણય લેવાશે
જોકે મહત્વની વાત છે કે રાજ્યના પાંચ જિલ્લાના ધારાસભ્યોએ હવે કર્ફ્યૂને હટાવી દેવા માટે રજૂઆત કરેલી છે અને હવે સમગ્ર મામલે આગામી કલાકોમાં મોટો નિર્ણય આવી શકે છે. કર્ફ્યૂ બાબતે કોર કમિટીની બેઠકમાં નિર્ણય લેવાઈ શકે છે. જોકે આજે જ રાજ્ય પર વાવાઝોડાનું પણ સંકટ આવ્યું છે અને આગાહી અનુસાર સાંજે 6 વાગે વાવાઝોડું પોરબંદર અને મહુવા વચ્ચેથી પસાર થઈ શકે છે ત્યારે રાજ્ય સરકાર વાવાઝોડાના કામમાં પણ લાગેલી છે. 

Source : Vtv ન્યૂઝ

Read More »